spot_img
spot_img
spot_img
AFC Banner
Empty Ad
Empty Ad

170 දෙනෙකු සමග පිටියකට ගොඩබැස්වූ මගී ගුවන් යානය

පුද්ගලයන් 170 දෙනෙකු සමඟ රුසියානු මගී ගුවන් යානයක් සයිබීරියාවේ දී පිට්ටනියකට හදිසි ගොඩ බැස්වීමක් සිදු කර තිබෙනවා.

යානයේ රෝද (landing gear) ද සහිතව සිදු කළ මෙම හදිසි ගොඩබෑමක් හමුවේ කිසිවෙකුට බරපතල තුවාල සිදුවී නොමැති බවයි බලධාරීන් සඳහන් කළේ.

Ural Airlines සමාගමට අයත් Airbus A320 යානය Sochi හි කළු මුහුදේ නිවාඩු නිකේතන නගරයක සිට නැගෙනහිර සයිබීරියාවේ Omsk දක්වා පියාසර කරමින් සිටියදී කාර්ය මණ්ඩලය හයිඩ්‍රොලික් පද්ධතියේ ගැටලුවක් හඳුනාගෙන තිබෙනවා.

එය අනාවරණ වීමත් සමග නියමුවන් අවසර ඉල්ලා ඇත්තේ දිගු ධාවන පථයක් ඇති Novosibirsk හි Tolmachevo ගුවන්තොටුපළට යානය ගොඩබෑමටයි.

කෙසේවෙතත් එම ගුවන් පථය දක්වා යාමට ප්‍රමාණවත් ඉන්ධන නොමැති බව ගුවන් නියමුවන් පසුව වටහා ගත් අතර ඒ හේතුවෙන් Novosibirsk සිට බටහිර දෙසින් කිලෝමීටර් 200ක් පමණ දුරින් පිහිටි පිට්ටනියකට ගොඩබෑමට තීරණය කළ බවයි.

ගුවන් බලධාරීන් පැවසුවේ මෙම ගොඩ බැස්වීමෙන් කිසිවෙකුට හානියක් නොවූ නමුත් මගීන් දෙදෙනෙකුට අධි රුධිර පීඩනය සඳහා වෛද්‍ය ආධාර ලබාදුන් බවයි.

තවත් කිහිප දෙනෙකුට සුළු තැලීම් සඳහා ප්‍රතිකාර කර තිබෙනවා.

විදෙස් වාර්තා පෙන්වා දෙන්නේ රුසියාවේ යුක්රේන ප්‍රහාරය හමුවේ බටහිර සම්බාධක හේතුවෙන් රුසියාවේ ගුවන් සේවයට දැඩි බලපෑමක් එල්ල වී ඇති බවයි.

ඔබේ ප්‍රතිචාරය කුමක්ද ?
+1
2
+1
1
+1
1
+1
4
+1
8
+1
7
+1
7
Subscribe
Notify of
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

?