පොලිස් නිළධාරියෙක් ලෙස පෙනී සිටිමින් උපකාරක පන්තියක් නිමවී නිවසට යාමට සිටි 14 හැවිරිදි පාසල් සිසුවියක බියගන්වා ලිංගික අතවරයකට ලක්කර ඇති බවට කළුතර දකුණ මූලස්ථාන පොලිසිය වෙත පැමිණිල්ලක් ලැබී තිබෙනවා.
මතුගම ප්රදේශයේ පදිංචි 14 හැවිරිදි පාසල් සිසුවියක් විසින් පොලිසිය වෙත මෙම පැමිණිල්ල ඉදිරිපත් කළ බවයි පොලිසිය සඳහන් කළේ.
අදාළ සිසුවිය කළුතර ප්රධාන බස් නැවතුම්පොලේ රැදී සිටියදී, සැකකරු ඇය හමුවට පැමිණ තමා පොලිස් නිළධාරියෙක් බව පවසා තිබෙනවා.
අදාළ පාසල් සිසුවිය තරුණයෙක් සමග ප්රේම සම්බන්ධයක් පවත්වන බවට පොලිසියට පැමිණිල්ලක් ලැබී ඇති බවත් එය විභාගයට ගැනීමට පෙර තමන් සමග එකට සිටිය යුතු බවත් අදාළ පුද්ගලයා විසින් සිසුවිය වෙත පවසා තිබෙනවා.
පසුව එම සිසවිය කළුතර ප්රධාන පාලම අසලට රැගෙන ගොස් අතවරයට ලක්කළ බව පැමිණිල්ලේ සටහන් බව පොලිසිය පවසනවා.
එම ප්රදේශයේ ආරක්ෂක කැමරා පද්ධතිය පරීක්ෂා කර සැකකරු අත්අඩංගුවට ගැනීම මෙහෙයුම් ක්රියාත්මක බවයි පොලිසිය සඳහන් කළේ.
කෙසේ වෙතත් මේ වන විට සිද්ධියට මුල් වූ අදාළ පාසල් සිසුවිය රෝහල් ගත කර තිබෙනවා.
