2026 වසරේ 05 ශ්රේණිය ශිෂ්යත්ව විභාගය අගෝස්තු 09 වැනිදා පැවැත්වීමට නියමිතයි.
දිවයින පුරා විභාග මධ්යස්ථාන 2,723කදී මෙවර 05 ශ්රේණිය ශිෂ්යත්ව විභාගය පැවැත්වෙනවා.
මේ අතර 2026 වසරේ 05 ශ්රේණියට අදාළ ශිෂ්යත්ව විභාගයට අදාළ සියලුම උපකාරක පන්ති, විෂයානුබද්ධ දේශන, සම්මන්ත්රණ සහ වැඩමුළු අද (05) මධ්යම රාත්රියෙන් අවසන් කළ යුතු වන අතර එම තහනම ශිෂ්යත්ව විභාග කටයුතු අවසන් වනතුරු බලපැවැත්වෙන බව විභාග දෙපාර්තමේන්තුව දැනුම් දෙනවා.
එමෙන්ම එම කාලය තුළ ශිෂ්යත්ව විභාගයට අදාළ අනුමාන ප්රශ්න ඇතුළත් ප්රශ්න පත්ර මුද්රණය කිරීම, බෙදාහැරීම හෝ ප්රචාරය කිරීමද තහනම් වන අතර විභාග ප්රශ්න පත්රවලට ප්රශ්න ලබාදෙන බවට හෝ ඒවාට සමාන ප්රශ්න ලබාදෙන බවට සඳහන් පෝස්ටර්, බැනර්, අත්පත්රිකා මෙන්ම විද්යුත් සහ මුද්රිත මාධ්ය ඔස්සේ එවැනි ප්රචාර සිදු කිරීම හෝ එවැනි ද්රව්ය ළඟ තබා ගැනීමද සපුරා තහනම් වන බව විභාග දෙපාර්තමේන්තුව දැනුම්දෙනවා.
