මේ වසර අග දී ආරම්භ වන පන්දුවාර විස්සයි විස්ස ලෝක කුසලාන තරගාවලියෙන් පසු තමා ඇතුළු තවත් ඕස්ට්‍රේලියානු ජ්‍යෙෂ්ඨ ක්‍රීඩකයින් කිහිප දෙනෙකු ක්‍රිකට් පිටියෙන් විශ්‍රාම ගන්නා බව ආරොන් ෆින්ච් පවසනවා.
පසු ගියවර ලෝක ශූරයින් ලෙස කිරුළු පළඳි ඕස්ට්‍රේලියානු කණ්ඩායම මෙහෙයවනු ලැබූ නායකයා ලෙස ආරොන් ෆින්ච්, cricket.com.au වෙත අදහස් දවමින් මේ බව ප්‍රකාශ කර සිටියා.
කෙසේ වෙතත් ඔහු සමඟ විශ්‍රාම ගැනීමට සූදානමින් සිටින අනෙකුත් ඕස්ට්‍රේලියානු ක්‍රීඩකයින් කවුරුන් ද යන්න ෆින්ච් එහිදී සඳහන් කළේ නැහැ.
එහිදී ඔහු වැඩිදුරටත් සඳහන් කර සිටියේ මෙවර තරගාවලිය තුළ දඟ පන්දු යවන්නන් වැඩි දක්ෂතාවක් දක්වනු ඇති බවට තමන් විශ්වාස කරන බවයි.
ලබන ඔක්තෝම්බර් මාසයේ දී ආරම්භ වන 20-20 ලෝක කුසලාන තරගාවලියේ දී වත්මන් ලෝක ශූරයින් ලෙස තරග බිමට පිවිසෙන ඕස්ට්‍රේලියානු කණ්ඩායම කෙරෙහි වැඩි අවදානයක් යොමුව තිබෙනවා.
