මහා පරිමාණ මත්ද්‍රව්‍ය ජාවාරම්කරුවකු හා සංවිධානාත්මක අපරාධ කල්ලි සාමාජිකයකු වන හීනටියන මහේෂ්ගේ සමීපතම පුද්ගලයා හෙරොයින් සමග පොලිස් විශේෂ කාර්ය බලකා නිලධාරීන් අත්අඩංගුවට ගෙන තිබෙනවා.
විශේෂ කාර්ය බලකාය බුද්ධි කොට්ඨාසයේ නිලධාරීන් කණ්ඩායමක් විසින් ඊයේ (19) දින මිනුවන්ගොඩ පොලිස් වසමේ ඇඹිල්ලවල පාර – පීල්ලවත්ත, මිනුවන්ගොඩ දීයි මෙම වැටලීම සිදු කර ඇත්තේ.
එහි දී හෙරොයින් ග්‍රෑම් 02 මිලිග්‍රෑම් 600ක්, මන්නා පිහියක් සමග යතුරුපැදියකින් ගමන් ගත් මීගමුව ප්‍රදේශයේ පදිංචි වයස අවුරුදු 32ක් වන පුද්ගලයකු අත්අඩංගුවට ගැනුණා.
අත්අඩංගුවට ගන්නා ලද සැකකරුගෙන් සිදු කළ වැඩිදුර ප්‍රශ්න කිරීම්වල දී මහා පරිමාණ මත්ද්‍රව්‍ය ජාවාරම්කරුවකු හා සංවිධානාත්මක අපරාධ කල්ලි සාමාජිකයකු වන හීනටියන මහේෂ් යන අය සමග සමීප සම්බන්ධතා පවත්වන බවට තොරතුරු අනාවරණය වී තිබෙන බවත් මිනුවන්ගොඩ පොලිසිය පැවසුවා.
