අභියාචනාධිකරණයේ සභාපති විනිසුරුවරයා සම්බන්ධයෙන් පාර්ලිමේන්තුවේදී සිදු කරනු ලැබූ ප්රකාශයකින් අධිකරණයට අපහාස කළේ යැයි චෝදනා කරමින් හිටපු ක්රීඩා අමාත්ය රොෂාන් රණසිංහට එරෙහිව ඉදිරිපත් කර තිබෙන පෙත්සම සලකා බැලීම සඳහා අභියාචනාදීකරණයේ සභාපති විනිසුරු නිශ්ශංක බන්දුල කරුණාරත්න විසින් ඊයේ (27) දින නව විනිසුරු මඩුල්ලක් නම් කරනු ලැබුවා.
ඒ අනුව, අදාළ පෙත්සම විභාග කිරීම සඳහා මොහොමඩ් ලෆාර් සහ චමත් මොරායස් යන අයගෙන් සමන්විත නව විනිසුරු මඩුල්ලක් නම් කරන බව අභියාචනාදීකරණයේ සභාපති විනිසුරුවරයා නියෝග කළා.
මෙම පෙත්සම මීට පෙර මොහොමඞ් ලෆාර් සහ ඛේමා ස්වර්ණාධිපති යන අයගෙන් සමන්විත අභියාචනාධිකරණ විනිසුරු මඩුල්ල ඉදිරියේ කැඳවන ලැබූ අතර එම විනිසුරු මඩුල්ලේ සාමාජික විනිසුරු කේමා ස්වර්ණාධිපති විශ්රාම යාමට නියමිතව සිටින බැවින් මෙම පෙත්සම විභාග කිරීමට හැකියාවක් නොමැති බවත් එය විභාග කරන විනිසුරු මඩුල්ලක් නම් කිරීම සඳහා පෙත්සම අභියාචනාධිකරණයේ සභාපති විනිසුරුවරයා හමුවට යොමු කරන බවත් සඳහන් කර තිබුණා.
ඒ අනුව, අදාල පෙත්සම ඊයේ (27) දින අභියාචනාදීකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්රන් යන අයගෙන් සමන්විත අභියාචනාධිකරණ විනිසුරු මඩුල්ල ඉදිරියේ කැඳවනු ලැබුවා. එහිදී අභියාචනාදීකරණයේ සභාපතිවරයා විසින් මෙම නව විනිසුරු මඩුල්ල නම් කරීම සිදු වුණා.
දිමිත්රී ශිරාස් ඔගස්ටස් පිට්රාංජලී නමැති නීතිඥවරියක විසින් මෙම පෙත්සම ඉදිරිපත් කර තිබූ අතර එහි වග උත්තරකරු ලෙස හිටපු ක්රීඩා අමාත්ය රොෂාන් රණසිංහ නම් කර තිබුණා.
වග උත්තරකාර රොෂාන් රණසිංහ පාර්ලිමේන්තුවේ ප්රකාශයක් සිදු කරමින් අභියාචනාධිකරණයේ සභාපති විනිසුරුවරයාගේ ක්රියාකලාපය සම්බන්ධයේ දැක්වූ කරුණුවලින් අධිකරණයට අපහාසයක් සිදුකර ඇති බවත් ඒ අනුව ආණ්ඩුක්රම ව්යවස්ථාවේ 105(3) ව්යවස්ථාව යටතේ ඔහුට එරෙහිව දඬුවම් පමුණුවන ලෙසත් ඉල්ලා මෙම පෙත්සම ඉදිරිපත් කර තිබෙනවා.
