මහනුවර – මහියංගනය මාර්ගයේ හසලක, උඩුදහ වාරිමාර්ගය කාර්යාලය ආසන්නයේ දී ලී පටි පටවා ගත් ලොරි රථයක් මාර්ගයෙන් ඉවතට පැන පෙරළී ගොස් අද (25) උදෑසන අනතුරක් සිදුව තිබෙනවා.
මෙම අනතුරින් ලොරි රථයට හා ලී පටිවලට යට වී සිටි පුද්ගලයෙක් පැයක පමණ කාලයක් සිදුකළ මෙහෙයුමක දී මුදාගැනීමට පොලිසියට සහ ප්‍රදේශවාසීන්ට හැකියාව ලැබුණා.
එලෙස මුදාගත් එම පුද්ගලයා වහාම මහියංගනය රෝහලට ඇතුළත් කිරීමට කටයුතු කළ අතර, එලෙස රෝහල් ගතකරන විට ඔහු මියගොස් ඇති බවයි අප වාර්තාකරු සඳහන් කළේ.
ලොරි රථය කටුගස්තොට ප්‍රදේශයේ සිට ලී පටි පටවාගෙන ගිරාඳුරුකෝට්ටේ, බතලයාය ප්‍රදේශයේ පිහිටි විදුලි බලාගාරක් දක්වා ධාවනය වෙමින් තිබිය දී මෙම අනතුරට මුහුණ පා තිබෙනවා.
රථයේ තිරිංග අක්‍රිය වීම මෙම අනතුරට හේතු වී ඇති බවයි පොලිසිය සැකපළ කරන්නේ.
අනතුර සම්බන්ධයෙන් හසලක පොලිසිය වැඩිදුර පරීක්ෂණ පවත්වනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
