සංවිධානාත්මක අපරාධකල්ලි සාමාජිකයෙක් වන නඳුන් චින්තක නොහොත් ‘හරක් කටා’ නැමැත්තාට එරෙහිව කොළඹ මහාධිකරණය හමුවේ පනවා ඇති නඩුවේ වැඩිදුර සාක්ෂි විභාගය ලබන ඔක්තෝම්බර් 29 දක්වා කල් තැබීමට මහාධිකරණය විනිසුරු ලංකා ජයරත්න මෙනවිය අද (01) නියෝග කළා.
එම නඩුව අද (01) දිනයේ විවෘත අධිකරණය හමුවේ කැඳවූ අවස්ථාවේ දී පැමිණිල්ලේ සාක්ෂිකරුවන් දෙදෙනෙකු සාක්ෂි ලබාදෙනු ලැබුවා.
එමෙන්ම නඳුන් චින්තක නොහොත් ‘හරක් කටා’ නැමැත්තා ද අද දිනයේ අධිකරණය හමුවට ඉදිරිපත් කර තිබුණා.
2015-06-10 දින හර්ෂ යෂස්වි ජනම්වීර නැමැත්තා හා එක්ව මුල්ලේරියාව ප්රදේශයේ පිහිටි අනුර පාලිත පෙරේරා නැමැත්තාගේ නිවසට කඩාවැදී රුපියල් විසිදහසක මුදලක් පැහැරගැනීම සහ නිවසේ තිබූ මෝටර් රථයක් පැහැර ගැනීම ඇතුළු චෝදනා යටතේ නීතිපතිවරයා විසින් මෙම නඩුව පවරා තිබෙනවා.
මෙම නඩුව කැඳවූ අවස්ථාවේ දී හරක් කටා දැඩි ආරක්ෂක විධිවිධාන මැද අධිකරණයට ඉදිරිපත් කර තිබුණා.
