යුද ගැටුම් සම්බන්ධයෙන් සමාජ මාධ්යවල වීඩියෝ පළ කිරීම සම්බන්ධයෙන් එක්සත් අරාබි එමීර් රාජ්යය පුද්ගලයින් දසදෙනෙකු අත්අඩංගුවට ගෙන තිබෙනවා.
ප්රහාරයට ලක්ව ඇති රටේ සමාජ මාධ්යවල සැබෑ සහ ව්යාජ වීඩියෝ පළ කිරීම සම්බන්ධයෙන් විවිධ ජාතීන්ට අයත් පුද්ගලයින් 10 දෙනෙකු මෙලෙස අත්අඩංගුවට ගෙන ඇති බවයි වාර්තා වුණේ.
එක්සත් අරාබි එමීර් රාජ්යයේ ගුවන් ආරක්ෂක පද්ධති යෙදවීම හෝ ප්රහාරයන්ට ගොදුරුවීම මෙන්ම, ව්යාජ පිපිරීම්, ගිනි ගැනීම් සහ ප්රමුඛ සන්ධිස්ථානවලට ප්රහාර පෙන්වන AI ජනනය කරන ලද හෝ ගොතන ලද වීඩියෝ අදාළ පුද්ගලයින් විසින් පළකර ඇති වීඩියෝවල ඇතුළත්.
සැබෑ හෝ සකසන ලද එම වීඩියෝ ප්රකාශයට පත් කිරීම ව්යාකූලත්වයක් ඇති කරන අතර මහජන ආරක්ෂාවට බලපෑම් කරන අතරම, රජය කෙරෙහි විශ්වාසය බිඳ දැමීම සඳහා ද ඉවහල්වන බවයි එරට රජය පවසන්නේ.
ඒ, අනුව හිතාමතා වංචා කිරීම, මහජන ආරක්ෂාවට පහරදීම, පුද්ගලයන් අතර භීෂණය පැතිරවීම සහ සමාජ සාමය අඩපණ කිරීම හේතුවෙන් අත්අඩංගුවට ගැනුණු මෙම පුද්ගලයින්ට අවම වශයෙන් වසරක සිර දඬුවමක් සහ ඩිරාම් 100,000ක දඩයක් ගෙවීමට සිදුවනවා.
