ඊශ්රායල සහ හමාස් සංවිධානය අතර පවතින යුද ගැටුම් මාධ්යයේ හමාස් ත්රස්තවාදී ප්රහාරවලින් ජීවිතක්ෂයට පත් නේපාල ජාතිකයින් සිව්දෙනෙකුගේ මෘතදේහ නේපාලය වෙත යැවීමට කටයුතු කර තිබෙනවා.
මෙම ප්රහාර වලින් නේපාල ජාතිකයින් දසදෙනෙකු ජීවිතක්ෂයට පත්ව තවත් එක් අයෙක් අතුරුදන්ව සිටිනවා.
දකුණු ඊශ්රායලයේ කිබුට්ස් ඇලුමිම් ප්රදේශයේ දී මෙම නේපාල පුරවැසියන් ඝාතනයට ලක්ව ඇති බවයි ඊශ්රායලයේ පිහිටි නේපාල තානාපති කාර්යාලය සඳහන් කළේ.
විදෙස් වාර්තා සඳහන් කරන්නේ විදේශිකයන් 200 ක් පමණ මෙම ප්රහාර හේතුවෙන් මිය ගොස් ඇති බවයි.
මේ අතර යුද ගැටුම් හේතුවෙන් මියගිය විදේශිකයින් අතරින් වැඩිම පිරිසක් මියගොස් ඇත්තේ ඇමරිකානු ජාතිකයින් වන අතර එම සංඛ්යාව 31ක්.
තවත් ඇමරිකානුවන් 13 දෙනෙකු මෙම ප්රහාර මධ්යයේ අතුරුදන්ව ඇති බවයි විදෙස් මාධ්ය වාර්තා කළේ.
ඊශ්රායලයේ ගැටුම් අතරතුර ශ්රී ලාංකික කාන්තාවක් ද ජීවිතක්ෂයට පත් වූ අතර, 48 හැවිරිදි තවත් ශ්රී ලාංකිකයෙක් අතුරුදන්ව සිටින බවයි වාර්තා වුණේ.
