‘තායිපේ සිටි’ කප් ජාත්යන්තර බොක්සිං තරගාවලියේ දී ශ්රී ලාංකික යොවුන් බොක්සිං ක්රීඩකයින් රන් පදක්කම් 02ක්, රිදී පදක්කමක් සහ ලෝකඩ පදක්කම් 02ක් දිනා ගෙන ඊයේ (27) දින රාත්රී කටුනායක ගුවන් තොටුපොළ වෙත පැමිණ තිබෙනවා.
මෙම තරගාවලිය පසුගිය ආගෝස්තු 22 සිට 25 දින දක්වා තායිවානයේ තායිපේ නුවර දී ප්රථම වතාවට සංවිධානය කර ඇති බවයි වාර්තා වන්නේ.
එම තරගාවලිය ලෝකයේ යොවුන් බොක්සිං ක්රීඩකයින් වෙනුවෙන් සංවිධානය කර තිබූ අතර ඒ සඳහා රටවල් 08ක යොවුන් බොක්සිං ක්රීඩකයින් සහභාගි වී තිබෙනවා.
එහිදී කොළඹ රාජකීය විද්යාලයේ තෙනුවන් මීගල්ල සහ මහනුවර විද්යාර්ථ විද්යාලයේ එච්.එම්.පී.ඩී.හීන්කෙන්ද යන යොවුන් බොක්සිං ක්රීඩකයින් දෙදෙනා මෙරටට පැමිණියේ රන් පදක්කම් 02 ක් දිනා ගනිමින්.
කොළඹ සහිරා විද්යාලයේ තුෂාල් ආසිල් මෙම තරගාවලියට සහභාගී වී රිදී පදක්කමක් දිනා ගෙන තිබුණා.
ඊට අමතරව පැල්මඩුල්ල ගන්කන්ද මධ්ය විද්යාලයේ රවිදු ජීවන්ත සහ වේයන්ගොඩ ජනාධිපති ජාතික විද්යාලයේ මවිදු නිම්සර යොවුන් බොක්සිං ක්රීඩකයින් දෙදෙනා ලෝකඩ පදක්කම් 02 ක් ද දිනා ගැනීමට සමත් වී තිබෙනවා.
මෙම තරගාවලියේ හොදම විනිසුරුවරයා ලෙස ශ්රී ලංකාවේ කපිල සුගතදාස මහතා සම්මානයට පාත්ර වී ඇති බව වාර්තා වනවා.
මොවුන් පිළිගැනීම සඳහා ශ්රී ලංකා බොක්සිං සම්මේලනයේ නිලධාරීන් මෙන්ම මෙම යොවුන් බොක්සිං ක්රීඩකයින්ගේ පාසැල්වල විදුහල්පතිවරුන් , ගුරුභවතුන් සහ ඔවුන්ගේ දෙමාපියන් විශාල පිරිසක් ද කටුනායක ගුවන් තොටුපොළ පැමිණීමේ පර්යන්තය වෙත පැමිණ සිටියා.
