රෝද පුටුවක සිඟමන් යදිමින් සිටි යාචකයෙකුට දත් තුනක් කැඩෙන්න පහරදී රෝද පුටුවටද අලාභහානි කිරීම සම්බන්ධයෙන් සැකපිට පානදුර ප්‍රසිද්ධ අවන්හලක හිමිකරු ඇතුළු පුද්ගලයින් තිදෙනෙකු අත්අඩංගුවට ගෙන තිබෙනවා.
පානදුර මහවිල ප්‍රදේශයේ ප්‍රසිද්ධ ආපනශාලාවක් පවත්වාගෙන යන හිමිකරු, ඔහුගේ සොහොයුරා සහ හෝටල් සේවකයකු මෙලෙස අත්අඩංගුවට ගෙන ඇති බවයි වාර්තා වන්නේ.
පානදුර මහවිල ප්‍රදේශයේ පදිංචි පහරකැමට ලක්වූ පුද්ගලයාගේ බිරිඳ විසින් කරන ලද පැමිණිල්ලක් අනුව සැකකරුවන් අත්අඩංගුවට ගෙන ඇතැයි පොලිසිය තිබෙනවා.
පහරකෑමට ලක්වූ පුද්ගලයා පොල් ගසකින් ඇද වැටී කොන්ද කැඩී ඇති බවත්, රිය අනතුරකට ලක්ව දකුණු පාදය ඉවත් කර කෘතිම පාදයක් යොදා සිටින බවත් සදහන්.
ඔහු පසුගිය දෙසැම්බර් මස 28 වනදා රාත්‍රී ආපන ශාලාව ඉදිරිපිට සිඟමන් යදිමින් සිටියදී අමානුෂික ලෙස කළ පහරදීමෙන් දත් තුනක් ගැලවී ගොස් ඇති බව පොලිසිය ප්‍රකාශ කර තිබෙනවා.
පහර කෑ යාචකයා පානදුර මූලික රෝහලේ ප්‍රතිකාර ලබන බවයි රෝහල් ප්‍රකාශයකයෙක් සඳහන් කළේ.
අලුබෝමුල්ල, නාත්තන්ඩිය සහ බද්දේගම ප්‍රදේශයේ පදිංචි සැකකරුවන් පානදුර මහේස්ත්‍රාත් අධිකරණයට ඉදිරිපත් කිරීමට නියමිතවයි.
