බොලිවියාවේ අගනුවර වන ලාපාස් ආසන්නයේ සිදු වූ අද (28) දිනයේ ගුවන් යානා අනතුරකින් පුද්ගලයින් 20 දෙනෙක් ජීවිතක්ෂයට පත්ව ඇති බව විදෙස් මාධ්‍ය වාර්තා කර තිබෙනවා.
බොලිවියානු ගුවන් හමුදාවට අයත් හර්කියුලිස් වර්ගයේ ගුවන් යානයක් අයහපත් කාලගුණය යටතේ ධාවන පථයක් වෙත ගොඩ බෑමට යාමේදී, ධාවන පථයෙන් ඉවතට ඇදී ගොස් නගරයේ ප්‍රධාන මාර්ගයකට කඩා වැටි ඇති බවයි බලධාරී පවසන්නේ.
එරට මහ බැංකුවට අයත් නව මුදල් නෝට්ටු තොගයක් ප්‍රවාහනය කරමින් සිටියදී මෙම අනතුරට මුහුණපා ඇති අතර අනතුරින් ජීවිතක්ෂයට පත් පිරිසට අමතරව තවත් පුද්ගලයින් 30 දෙනෙක්ට පමණ තුවාල සිදුව ඇති බවත් විදෙස් මාධ්‍ය වාර්තා කරනවා.
