සැකකරු කවුරුන් දැයි නිශ්චිත ව සොයා ගැනීමට නොහැකි වීම මත පාර්ලිමේන්තු මන්ත්රී රාමනාතන් අර්චුනා මහතාගේ නඩුව කල් තබා තිබෙනවා.
අද (22) පෙරවරුවේ සිය නීතිඥවරයාගේ මාර්ගයෙන් මෝසමක් හරහා අනුරාධපුර මහේස්ත්රාත් අධිකරණය වෙත ඉදිරිපත් කරන ලද අවස්ථාවේදියි අධිකරණය මෙම නඩුව පෙබරවාරි මස 03 වැනි දින තෙක් කල් තැබීම සිදු කළේ.
අනුරාධපුර – රඹෑව පොලිස් වසමේ දී රථ වාහන පොලිස් නිලධාරීන් සමග බහින්බස් වීමක නිරත වූ අර්චුනා මන්ත්රීවරයාට එරෙහිව අධිකරණයට කරුණු වාර්තා කිරීමට පොලිසිය කටයුතු කළා.
නමුත් අද අධිකරණය හමුවට ආ අවස්ථාවේ දී නඩු වාර්තාවේ අර්චුනා මහතාගේ නම පොලිසිය විසින් සටහන් කරනු ලැබ ඇත්තේ අර්ජුනා ලෝචන් යනුවෙන්.
නමුත් මන්ත්රීවරයාගේ නම රියදුරු බලපත්රයේ සටහන් ව ඇත්තේ රාමනාතන් අර්චුනා යන නමින් බැවින් හරි සැකකරු සොයා අධිකරණයට වාර්තා කරන ලෙසට පොලීසියට අධිකරණය විසින් නියෝග කරනු ලැබුවා.
