කහටගස්දිගිලිය, පිහිබියගොල්ලෑව පොලිස් වසමට අයත් පීනගල ගමේ පදිංචි විශ්රාමක හමුදා සෙබළෙකු සාහසික ලෙස ඝාතනය කර වැසිකිළි වළකට දමා තිබියදී අද (27) දින පිහිම්බීගොල්ලෑව පොලිසිය විසින් සොයාගෙන තිබෙනවා.
මෙම සිද්ධියෙන් මිය ගොස් ඇත්තේ වයස අවුරුදු 55 වයස ඇති පීනගල ගමේ පදිංචි විශ්රාමික හමුදා සෙබළෙක්.
මෙම පුද්ගලයා පසුගිය 25වන දින මියගොස් ඇති අතර සිය නිවසේ එදින තනිව වාසය කර ඇති බවයි අප වාර්තා කරු සඳහන් කරන්නේ.
ඔහුගේ දරුවන් විසින් සිදු කරන ලද සොයාබැලීමේදී මියගිය තැනැත්තාගේ නිවස ආසන්නයේ තිබෙන වැසිකිළි වළකින් ආ දුර්ගන්ධයක් හේතුවෙන් එම වල පරීක්ෂාකිරීමට ලක්ව තිබෙනවා.
මියගිය තැනැත්තාගේ බිරිඳ විසින් සිද්ධිය සම්බන්ධයෙන් ගල්නෑව පොලිසිය වෙත පැමිණිලි කිරීමෙන් අන්තුරුව සිදුකරන ලද පරීක්ෂණ වලදී මෙම සිරුර පොලිස් සුනඛයෙකු විසින් සොයාගෙන ඇති බවයි වාර්තා වන්නේ.
මැදවච්චිය මහේස්ත්රාත්තුමිය විසින් මූලික පරීක්ෂණය සිදුකර ඇති අතර සිද්ධිය සම්බන්ධයෙන් මේ වන විට එක් පුද්ගලයෙකු සැකපිට අත්අඩංගුවට ගෙන තිබෙනවා.
