ජගත් ටෙස්ට් ක්‍රිකට් පිටියේ වැඩිම ශතක ලාභීන්ගේ ලැයිස්තුවේ පස්වන තැන හිමිකර ගැනීමට ඕස්ට්‍රේලියානු ක්‍රීඩක ස්ටීව් ස්මිත්ට හැකියාව ලැබුණා.
ඒ, ශ්‍රී ලංකාව සමඟ මේ වනවිට පැවැත්වෙන දෙවන ටෙස්ට් තරගයේ ඕස්ට්‍රේලියානු පළමු ඉනිමේ දී සිය 36 වන ජාත්‍යන්තර ටෙස්ට් ශතකය වාර්තා කිරීමට සමත්වීමත් සමඟයි.
ස්මිත් ඕස්ට්‍රේලියානු පළමු ඉනිමේ දී ලකුණු 131ක් රැස් කළේ පන්දු 254කට මුහුණ දෙමින්.
ස්මිත් ජාත්‍යන්තර ටෙස්ට් තරග 116කට ක්‍රීඩාකරමින් ශතක 36 රැස්කර ගැනීමට සමත්ව සිටින අතර, එංගලන්ත ක්‍රීඩක රෝ රූට් සහ හිටපු ඉන්දීය ක්‍රීඩක රාහුල් ඩ්‍රාවිඩ් ද ටෙස්ට් ශතක 36 බැගින් රැස්කරගෙන සිටිනවා.
වැඩිම ශතක ලාභීන්ගේ ලැයිස්තුවේ මුල් ස්ථාන හතරේ පිළිවලින් සචින් ටෙන්ඩුල්කාර්, ජැක් කාලිස්, රිකී පොන්ටින් සහ කුමාර් සංගක්කාර පසුවනවා.
ඔවුන් සියලු දෙනාම මේ වනවිය ක්‍රිකට් පිටියෙන් විශ්‍රාම ගොස් සිටින ක්‍රීඩකයින්වීම විශේෂත්වයක්.
