සම්බාහනයට මුවා වූ ගණිකා ජාවාරමක් ගල්කිස්සේ දී වටලයි

ගල්කිස්ස පොලිස් වසමේ ගාලුපාර ප්‍රදේශයේ සම්භාහන මධ්‍යස්ථානයක් මුවාවෙන් පවත්වාගෙන ගිය ගණිකා නිවසක් වටලා තිදෙනෙකු අත්අඩංගුවට ගෙන තිබෙනවා.

ලද තොරතුරක් මත ඊයේ (18) පස්වරුවේ මෙම වැටලීම සිදුකර ඇති අතර, එහිදී එහි කළමනාකරු ලෙස කටයුතු කළ තැනැත්තෙක් සහ ඊට සහයවීම සම්බන්ධයෙන් කනතාවන් දෙදෙනෙක් ද අත්අඩංගුවට ගත් බවයි පොලිසිය පැවසුවේ.

අත්අඩංගුවට ගත් සැකකරු රත්මලාන ප්‍රදේශයේ පදිංචිකරුවෙක් වන අතර, ඔහු 41 හැවිරිදි වියේ පසුවන්නෙක්.

අත්අඩංගුවට පත් සැකකාර කාන්තාවන් දෙදෙනා 34 සහ 41 හැවිරිදි වියේ පසුවන අනුරාධපුර සහ පැලවත්ත යන ප්‍රදේශවල පදිංචිකාරිනියන් බවයි වාර්තා වන්නේ.

ඔවුන් අද (19) දිනයේ ගල්කිස්ස මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි පොලිසිය වැඩිදුරටත් සඳහන් කළේ.