ලංකා සතොස අත්යවශ්ය පාරිභෝගික භාණ්ඩ කිහිපයක මිල අඩු කිරීමට පියවර ගෙන තිබෙනවා.
දිවයින පුරා ඇති සියලුම ලංකා සතොස අලෙවිසැල් හරහා මෙම භාණ්ඩ පාරිභෝගිකයන්ට අද සිට ලබාගත හැකි බවයි සතොස සමාගම නිවේදනය කළේ.
ඒ අනුව සතොස මගින් රුපියල් 530කට අලෙවි කළ දේශීය ටින් මාලු ග්රෑම් 425 ටින් එකක මිල රුපියල් 55කින් අඩු කර ඇති අතර නව මිල රුපියල් 475ක්.
අර්තාපල් කිලෝවක මිල රුපියල් 5කින් අඩුකර තිබෙනවා. එහි නව මිල රුපියල් 280ක්.
රුපියල් 180ට පැවති රතු කැකුළු සහල් කිලෝවක මිල රුපියල් 5කින් අඩුකර ඇති අතර නව මිල රුපියල් 175ක් වනු ඇති.
රතු පරිප්පු කිලෝවක මිල රුපියලකින් අඩුකර ඇති අතර නව මිල රුපියල් 309ක්.
සුදු නාඩු සහ රතු නාඩු කිලෝවක මිල ද රුපියල බැගින් අඩු කර ඇති අතර නව මිල පිළිවෙලින් රුපියල් 206ක් සහ 199ක් වනු ඇති. එමෙන්ම ආනයනික බිත්තර ද රුපියල් 35ක මුදලකට ලබාදීමට සතොස පියවර ගෙන තිබෙනවා.
