මාධ්‍යයට ප්‍රකාශ නිකුත් කළැයි ජාතික රෝහලේ නියෝජ්‍ය අධ්‍යක්ෂ රුක්ෂාන් බෙල්ලනගේ වැඩ තහනම් කිරීම මූලික අයිතිවාසිකම් උල්ලංඝනය කිරීමක් බව විපක්ෂ නායක සජිත් ප්‍රේමදාස පවසනවා.
අද (19) පාර්ලිමේන්තුවේ දී අදහස් දක්වමින් විපක්ෂ නායකවරයා මේ බව සඳහන් කළා.
සෞඛ්‍ය ක්ෂේත්‍රයේ පවතින දූෂණ සහ වංචා පිළිබඳව මාධ්‍යට කතා කිරීම හේතුවෙන් වෛද්‍ය රුක්ෂාන් බෙල්ලනගේ වැඩ තහනම් කිරීම කිසිඳු සාධාරණත්වයක් නොමැති බවයි විපක්ෂ නායකවරයා මෙහිදී පැවසුවේ.
“මම මේ කතා කරන්නේ මූලික අයිතීන් ගැන. සෞඛ්‍ය කියන්නේ මූලික අයිතියක්. බාල එන්නත් ඉතා දෙදෙනෙක් මිය ගොස් තියෙනවා. නමුත් වැඩ තහනම් වෙලා තියෙන්නේ කාගේද? බෙල්ලන මාධ්‍යයට කතා කලා කියලා එයා ගෙදර යවලා.මේකෙ තියෙන සාධාරණත්වය මොකක්ද? බාල බෙහෙත් නිසා ජීවිත අහිමි වන උදවියට යුක්තිය ඉටු කරන්නේ බෙල්ලනගේ මූලික අයිතිය කඩලා.”
රටේ මිනිස්සුන්ට සජිත් කියන්නේ මොන වගේ මිනිහෙක්ද කියලා හොදින් වැටහෙනවා මේ ප්‍රකාශ හරහා… බෙල්ලන වෙනුවෙන් කථා කරන්න සජිත් ලජ්ජාවෙන්න ඕනේ.. තනි ධමනියා වෙනුවෙන් බෙල්ලන කියපු පට්ට බොරු රටක් නොමග යවපු මිනිහාව සජිත් අගය කරනවා… බලයක් ලැබුනොත් කොහොමද? කවදාවත් මොහුට රටේ නැවත බලයක් ලැබෙන්නේ නැත…. ඒක රටේ වාසනාවක්