ජාත්‍යන්තර කම්කරු දිනයට සමගාමීව සමඟි ජන බලවේගයේ මැයි දින රැළිය “සමගියේ බලය පෙන්වන මැයි 1 නිදහස් අරගලය” තේමාව යත්තේ ඊයේ පැවැත්වුණේ පෑලියගොඩදීයි.
මෙම රැළියේ දී පාර්ලිමේන්තු මන්ත්‍රී හරීන් ප්‍රනාන්දු සහ පාර්ලිමේන්තු මන්ත්‍රී ෆීල්ඩ් මාෂල් සරත් ෆොන්සේකා අතර කිසියම් බහින් බස්වීමක් සිදුවීම සම්බන්ධයෙන් මේ වනවිට සමාජ මධ්‍යයේ කතාබහක් මතුව තිබෙනවා.
කෙසේ වෙතත් සමඟි ජන බලවේග මැයි දින රැළි වේදිකාවේ දී සරත් ෆොන්සේකා සහ හරීන් ප්‍රනාන්දු යන මන්ත්‍රීවරුන්ට සිය අදහස් පළකරන්නට අවස්ථාව සලසා දී තිබුණේ ඔවුන් දෙදෙනාම එම පක්ෂයේ ප්‍රබල කථිකයින්වීම හේතුවෙන්.
එහිදී අදහස් දක්වමින් පාර්ලිමේන්තු මන්ත්‍රී හරීන් ප්‍රනාන්දු සඳහන් කළේ ජනාධිපතිවරයාට එරෙහි විශ්වාසභංගය සහ ආණ්ඩුවට එරෙහි දෝෂාභියෝගය හෙට දිනයේ දී පාර්ලිමේන්තුවට ගෙන එන බවයි.
එලෙස ගෙන එනු ලබන විශ්වාසභංගයට සහ දෝෂාභියෝගයට පක්ෂව සහ විපක්ෂව සහාය අදක්වන පිරිස් කවුරුන්ද යන්න ජනතාවට දැක ගැනීමට හැකිවන අයුරින් සමාජ මාධ්‍ය ඔස්සේ කයුතු සැලසුම් කර ඇති බවයි එහිදී මන්ත්‍රීවරයා සඳහන් කළේ.
විශ්වාසභංගයට අත්සන් නොකරන පාර්ලිමේන්තුවේ මැති ඇමතිවරුන්ට ගමට පැමිණීමට අවස්ථාව ලබා නොදෙන ලෙස ජනතාවගෙන් ඉල්ලූ මන්ත්‍රීවරයා සඳහන් කර සිටියේ “සමහර චන්ඩි ආසයි සරමෙන් අල්ලලා උස්සන්න කැමතිනම් එහෙම හරි කරන්න” යනුවෙන්.
මේ අතර එම මැයි දින රැළිය අමතමින් සමඟි ජන බලවේගයේ සභාපති ෆීල්ඩ් මාෂල් සරත් ෆොන්සේකා සදහන් කළේ හොරු අල්ලා දඬුවම් කරන ලෙස බොහෝ පිරිස් තමන්ගෙන් ඉල්ලීම් සිදුකරන බවයි.
එම ඉල්ලීම් අනුව තම ජීවිතය පරදුවට තබා හෝ එම වගකීම ඉටුකර බව පැවසූ පාර්ලිමේන්තු මන්ත්‍රී සරත් ෆොන්සේකා සඳහන් කර සිටියේ “මුන් ගිහිල්ල කොහේ හැංගිලා හිටියත් අපි අනිවාර්යයෙන් අල්ලනවා, මේ මුදල් ජනතාවට ලබාදෙනවා, ඊට පස්සේ හම්බෙන්නේ නෑ එක එකාට ගිහිල්ලා බඩ යනවා කියලා CID එක එනවා කියලා ඉස්පිටිතාලවලට වෙලා හැංගිලා ඉඳගෙන සරම උස්සන් හිටියත් පහත දාගෙන හිටියත් එහෙම හැංගිලා ඉන්න වෙන්නේ නෑ එකෙකුටවත්” යනුවෙන්.
කෙසේ වෙතත් මෙම මන්ත්‍රීවරුන් දෙදෙනාගේ එම ප්‍රකාශයක් දෙදෙනා අතර සිදු වූ වාග් ප්‍රහාර මාලාවක් බවයි බොහෝ දෙනෙකුට හැඟී ගියේ.
