ශ්‍රී ලංකා පොලිස් දෙපාර්තමේන්තුවේ ‘යූටියුබ්’ (youtube) චැනලය ඇතුළු නිල සමාජ මාධ්‍ය ගිණුම් කිහිපයක් සයිබර් ප්‍රහාරයකට ලක්වීම සම්බන්ධව පවතින අලුත්ම තත්ත්වය පිළිබඳව පොලිස් මාධ්‍ය කොට්ඨාසය නිවේදනයක් නිකුත් කර තිබෙනවා.
ශ්‍රී ලංකා පොලීසියේ නිල facebook, TikTok, instagram, youtube සහ x යන ගිණුම් ඊයේ (30) පස්වරුවේ සිට සයිබර් ප්‍රහාරයකට ලක් වුණා.
නමුත් එම තත්ත්වයෙන් ගලවාගෙන මේ වනවිට නිල facebook, TikTok, instagram, x යන ගිණුම් නැවත ශ්‍රී ලංකා පොලීසියේ පාලනය යටතට ගෙන ඇති බවයි වාර්තා වන්නේ.
පොලිස් youtube නාලිකාව මෙතෙක් ශ්‍රී ලංකා පොලීසියේ පාලනයට නතු වී නැහැ.
එය යථා තත්ත්වයට පත් කරගැනීම සඳහා තොරතුරු තාක්ෂණ කොට්ඨාසයේ නිලධාරීන් කටයුතු කරමින් සිටින බවයි වාර්තා වන්නේ.
මෙම සයිබර් ප්‍රහාරය සම්බන්ධයෙන් පරිගණක අපරාධ විමර්ශන කොට්ඨාසය විසින් විමර්ශනයක් ද ආරම්භ කරනු ලැබුවා.
