ඉන්දීය කණ්ඩායමට එරෙහිව ශ්රී ලංකා ක්රිකට් පිල සහභාගි වන තීරණාත්මක දෙවැනි විස්සයි20 තරගය අද (5) රාත්රී 7.00ට පූනේහිදී ආරම්භ වේ.
පලමු තරගයෙන් ලකුණු 2ක තියුණු ජයක් හිමි කර ගනිමින් දැනටමත් තරග 3කින් සමන්විත තරගාවලිය 1-0ක් ලෙස පෙරමුණ ගැනීමට ඉන්දියාව සමත්ව සිටී. එබැවින් මේ තරගාවලියේ තවදුරටත් රැඳී සිටීමට නම් ශ්රී ලංකා පිල අද තරගය ජය ගෙන 1-1ක් ලෙස තරගාවලිය සම කර ගත යුතුව තිබේ.
අද තරගය පැවැත්වෙන පූනේහි මහාරාෂ්ට්ර ක්රිකට් සංගම් ක්රීඩාංගණයට ශ්රී ලංකා පිල විස්සයි20 තරගයකින් පිවිසෙන්නේ තෙවැනි වරටය. මින් පෙර 2016 සහ 2020දී ඉන්දියාවට එරෙහිව තරග දෙකකට සහභාගිවී ඇති ශ්රී ලංකා පිල 2016 තරගය කඩුලු 5කින් ජය ගැනීමට සමත්ව තිබේ.
ඉතා තියුණු මුහුණුවරක් ගත් පළමු තරගය ජය ගැනීමට තිබූ තරගයක් බවත්, ලකුණු 163ක ඉලක්කය හඹා යන පිතිකරුවන් පහසුවෙන් එම සීමාව පසු කළ යුතු වුවත් තම කණ්ඩායම තරගය අවසන් කළ ආකාරය ගැන කලකිරෙන බව තරගයෙන් අනතුරුව ශ්රී ලංකා නායක දසුන් ශානක පැවසීය.
අද තරගයේ වෙනස් කමක් සිදුවනු ඇති බවටයි වාර්තා වන්නේ ඒ කසුන් රාජිත වෙනුවට ලහිරු කුමාර කැදවනු ඇති බවටයි වාර්තා වන්නේ
