සංචාරක ශ්රී ලංකා කණ්ඩායම සමඟ ලබන වසරේ ජනවාරියේ ආරම්භ වීමට නියමිත විස්සයි විස්ස තරගාවලිය සඳහා ඉන්දීය කණ්ඩායමේ නායක රෝහිත් ශර්මා ක්රීඩා නොකරනු ඇති බවට විදෙස් මාධ්ය වාර්තා කරනවා.
ඒ, අනුව ජනවාරි 03 වනදා ආරම්භවන විස්සයි විස්ස තරගවලියේ දී ඉන්දීය කණ්ඩායම මෙහෙයවීමේ වගකීම තුන් ඉරියව් ක්රීඩක හර්දික් පාණ්ඩ්යා වෙත හිමිවන බවයි තොරතුරු වාර්තා වන්නේ.
බංග්ලාදේශය සමඟ නිමා වූ එක්දින තරගාවලිය තුළ අතේ ඇඟිල්ලක ඇති වූ ආබාධයක් හේතුවෙන් ශර්මාට මෙලෙස ශ්රී ලංකාව සමඟ විස්සයි විස්ස තරගාවලියෙන් ඉවත්වීමට සිදුව තිබෙනවා.
මේ අතර ශ්රී ලංකාව සමඟ ආරම්භවීමට නියමිත විස්සයි විස්ස තරගාවලියට ඉෂාන් කිෂන්, ප්රිත්වි ෂෝ, ලෝකේශ් රාහුල්, සංජු සැම්සන්, ශ්රෙයාස් අයියර්, සූර්යකුමාර් යාදව්, හර්දික් පාණ්ඩ්යා, රවීන්ද්ර ජඩේජා, වොෂින්ටන් සුන්දර්, අක්සාර් පටෙල්, ජස්ප්රිත් බුම්රා, අර්ෂ්දීප් සිං, උම්රාන් මලික්, මොහොමඩ් ෂාමි, කුල්දීප් යාදෙව්, යුස්වේන්ද්ර චාහල්, රවී බිෂ්නෝයි සහ බුවනේෂ්වර් කුමාර් යන ක්රීඩකයින්ගෙන් සැදුම්ලත් ඉන්දීය සංචිතය එක්වනු ඇති බවයි පුරෝකතනය කර ඇත්තේ.
