සංචාරක ශ්‍රී ලංකා කණ්ඩායම සහ දකුණු අප්‍රිකාව අතර පැවැත්වෙන පළමු ටෙස්ට් තරගයේ කාසියේ වාසිය දිනා ගන්නට ශ්‍රී ලංකා කණ්ඩායම මීට ටික වේලාවකට (27) පෙර සමත් වුණා.
අද තරගය පැවැත්වෙන්නේ දකුණු අප්‍රිකාවේ ඩර්බන් නුවර දියි.
ශ්‍රී ලංකා කණ්ඩායමේ නායක ධනංජය ද සිල්වා විසින් පළමු ව පන්දු රැකීමට තීරණය කළා.
ඒ අනුව ටෙම්බා බවුමා ප්‍රමුඛ දකුණු අප්‍රිකානුවෝ පළමු ඉනිම සිය පිතිකරණය අද පස්වරු 1ට ආරම්භ කරනු ඇති.
අද තරගයට ශ්‍රී ලංකා කණ්ඩායම වෙනුවෙන් දිමුත් කරුණාරත්න, පැතුම් නිස්සංක, දිනේෂ් චන්දිමාල්, ඇන්ජිලෝ මැතිව්ස්, කමිඳු මෙන්ඩිස්, නායක ධනංජය ද සිල්වා සහ කුසල් මෙන්ඩිස් පිතිකරුවන් ලෙස එක් වන අතර පන්දු යවන්නන් ලෙස ප්‍රභාත් ජයසූරිය, අසිත ප්‍රනාන්දු, ළහිරු කුමාර සහ විශ්ව ප්‍රනාන්දු එක් ව සිටිනවා.
දකුණු අප්‍රිකානු පිල අද දිනයේ දී නියෝජනය කරන්නේ නායක ටෙම්බා බවුමා ප්‍රමුඛ ව; ඒයිඩ්න් මක්‍රම්, ටොනි ද සොර්සි, ට්‍රිස්ටන් ස්ටබ්ස්, ඩේවිඩ් බෙඩින්ග්හැම්, කයිල් විරේන්, මාකො ජැන්සන්, වියෑන් මල්ඩර්, ගෙරල්ඩ් කොට්සෙ, කේෂව් මහරාජ් සහ කගිසො රබඩා යි.
