ශ්රී ලංකාව සමඟ පැවැත්වෙන දෙවන ටෙස්ට් ක්රිකට් තරගයේ දෙවන දිනය අවසන්වන විට තරගයේ වැඩි ගෞරව අත්කර ගැනීම සංචාරක ඕස්ට්රේලියානු කණ්ඩායම සමත්ව සිටියා.
දෙවන දිනට තරගය නතර කරන විට පළමු ඉනිම ක්රීඩා කරමින් සිටි ඕස්ට්රේලියාව කඩුලු 03ක් දැවී රැස්කරගෙන සිටි ලකුණු සංඛ්යාව 330ක්.
ඒ, අනුව ශ්රී ලංකාව පළමු ඉනිම සඳහා රැස් කළ ලකුණු 257ට වඩා ලකුණු 73ක් ඕස්ට්රේලියානු පළමු ඉනිම ඉදිරියෙන් පසුවනවා.
අද දිනය නිමාවන විට නොදැවී කඩුල්ලේ රැඳී සිටි ස්ටීවන් ස්මිත් නොදැවී ලකුණු 120ක් රැස් කරගෙන සිටි අතර, ඔහු සමඟ අනෙක් අන්තයේ රැඳී සිටි ඇලෙක්ස් කේරි නොදැවී ලකුණු 139ක් රැස්කරගෙන සිටියා.
ස්මිත් අද රැස්කළේ ඔහුගේ 36 වන ටෙස්ට් ශතකය වන අතර, ඇලෙක්ස් කේරි අද රැස් කළේ ඔහුගේ දෙවන ටෙස්ට් ශතකයයි.
මේ වනවිට ඔවුන් දෙදෙනා එක්ව ඕස්ට්රේලියානු පළමු ඉනිමේ සිව්වන කඩුල්ලට ලකුණු 239ක සබඳතාවක් ගොඩනඟා තිබෙනවා.
කඩුලු දවාගැනීමේ දී නිශාන් පීරිස් ලකුණු 70කට කඩුලු දෙකක් සහ ප්රභාත් ජයසූරිය ලකුණු 107ක එක් කඩුල්ලක් දවාගෙන සිටියා.
