විරෝධතාවක් නිසා ජල සම්පාදන මණ්ඩලය ඉදිරිපිට උණුසුම් වෙයි

ජාතික ජල සම්පාදන හා ජලාපවාහන මණ්ඩලයේ අදායම් සහකාර ස්වාධීන වෘත්තීය සමිතියේ සාමාජිකයින් අද (08) දහවල් විරෝධතාවයක නිරත වුණා.

රත්මලානේ පිහිටි ජාතික ජල සම්පාදන හා ජලාපවාහන මණ්ඩලයේ ප්‍රධාන කාර්යාලය ඉදිරිපිටයි ඔවුන් මෙම විරෝධතාවයේ නිරතව වුණේ.

ඉල්ලීම් කිහිපයක් මූලික කරගනිමින් මොවුන් මෙම විරෝධතාවයේ නිරත වූ අතර, එහිදී උණුසුම් තත්ත්වයක් ද හටගත් බවයි අප වාර්තාකරු සඳහන් කළේ.

පාරිභෝගිකයින් වෙත ජල බිල්පත් නිකුත් කිරීම යළි ආරම්භ කිරීම, වැඩිකළ නිල ඇඳුම් දීමනාව ලබාදීම, අභ්‍යන්තර උසස්වීම් කඩිනම් කිරීම, හිලව් නිවාඩු සඳහා කොන්දේසි පැනවීම වහා නතර කිරීම ඇතුළු ඉල්ලීම් කිහිපයක් ඒ අතර වනවා.