සෙවනගල පොලිස් වසමේ නෙලුම්වැව ප්‍රදේශයේ නිවසක අනවසරයෙන් ඇද තිබූ විදුලි රැහැනක ගැටී 31 හැවිරිදි පුද්ගලයෙකු මියගොස් තිබෙනවා.
මෙම අනතුර ඊයේ (06) දහවල් කාලයේ දී සිදු ව ඇති බවයි සෙවනගල පොලිසිය පැවසුවේ.
නෙලුම්වැව, සමගිපුර ප්‍රදේශයේ පදිංචිකරුවෙකු මෙලෙස ජීවිතක්ෂයට පත් ව තිබෙනවා.
පොලිස් මාධ්‍ය ප්‍රකාශක කාර්‍යාලය නිවේදනය කළේ මරණකරුගේ අසල නිවසේ අසනීප තත්ත්වයෙන් එක්තැන් වී සිටින තම මවට දිවා ආහාරය ලබාදීම සඳහා එම නිවසට ගිය අවස්ථාවේ නිවස තුළට සුනඛයන් පැමිණීම වැළැක්වීම සඳහා ඔහුගේ පියා විසින් නිවස තුළ අනවසරයෙන් අදින ලද විදුලි රැහැනක ගැටීමෙන් මෙම මරණය සිදුව ඇති බවට විමර්ශණයේ දී අනාවරණය වී ඇති බවයි.
සිද්ධිය සම්බන්ධයෙන් වැඩිදුර විමර්ශන සිදු කෙරෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
1
+1
