අයහපත් කාලගුණික තත්ත්වය හේතුවෙන් සිදු වූ යතුරුපැදි අනතුරකින් පුද්ගලයින් දෙදෙනකු බරපතළ තුවාල ලබා රෝහල්ගත කර තිබෙනවා.
දසත ප්‍රාදේශීය වාර්තාකරු පැවසුවේ; මෙම අනතුර සිදු ව ඇත්තේ තණමල්විල සර්වෝද මාවත අසල සිට කිවුල්ආර ප්‍රාථමික විද්‍යාලය මාර්ගය ඔස්සේ ගමන් කරමින් තිබූ යතුරුපැදි දෙකක් මුහුණට මුහුණ ගැටීම හේතුවෙන් බවයි.
අනතුරින් යතුරුපැදියේ ගමන් කළ පැදිකරුවන් දෙදෙනා ම බරපතළ තුවාල ලැබුවා.
තුවාල ලැබූ එක් අයෙකුගේ තත්ත්වය බරපතළ බැවින් හම්බන්තොට රෝහලේ සිට කරාපිටිය රෝහලේ දැඩි සත්කාර ඒකකයට එම පුද්ගලයා මාරු කර යවා තිබෙනවා.
අනතුරින් තුවාල ලබා ඇත්තේ තණමල්විල තරුණයකු හා තෙළුල්ල ප්‍රදේශයේ පදිංචි පුද්ගලයෙක්.
සිද්ධිය සම්බන්ධයෙන් තණමල්විල මූලස්ථාන පොලිසිය විමර්ශන ක්‍රියාත්මක කර තිබෙනවා.
ඔබේ ප්‍රතිචාරය කුමක්ද ?
+1
+1
1
+1
+1
+1
1
+1
+1
