ශ්රේෂ්ඨාධිකරණයෙන් නිකුත් කරන ලද අතුරු තහනම් නියෝගයකින් පුරප්පාඩු වූ පොලිස්පති ධුරයට මේ මොහොතේ (26) කිසිදු අයුරකින් වැඩ බලන පොලිස්පතිවරයෙකු පත් කිරීමට ජනාධිපතිවරයාට බලතල නොමැති බව අග්රාමාත්ය දිනේෂ් ගුණවර්ධන පවසනවා.
අද පාර්ලිමේන්තුවේ දී විශේෂ ප්රකාශයක් සිදු කරමින් අග්රාමාත්යවරයා සඳහන් කළේ; එලෙස වැඩ බලන පොලිස්පතිවරයෙකු පත් කිරීමට නීතිමය ප්රතිපාදන ජනපති සතු නොවන බවයි.
එමෙන්ම දැනට පවතින පොලිස්පති ධුරය හිස් නොවන බව ද අග්රාමාත්යවරයා දැනුම්දුන්නා.
අග්රාමාත්යවරයා සඳහන් කළේ ශ්රේෂ්ඨාධිකරණයෙන් පෙරේදා (24) දිනයේ දී දේශබන්දු තෙන්නකෝන්ට පොලිස්පති ධුරයේ කටයුතු කිරීම වළකාලමින් අතුරු තහනම් නියෝගයක් පමණක් නිකුත් කර ඇති මිසෙක ඉන් පොලිස්පති ධුරයේ පුරප්පාඩුවක් සිදු නොවූ බවයි.
එහිදී අග්රාමාත්යවරයා පාර්ලිමේන්තුව හමුවේ වැඩිදුරටත් මෙසේ ද සඳහන් කළා.
“පොලිස්පති සම්බන්ධව වැඩ අත්හිටුවා ඇති ශ්රේෂ්ඨාධිකරණයේ නියෝගය බලරහිත කළයුතු යැයි කතානායකවරයා සහ පාර්ලිමේන්තුව වෙත සිහිපත් කරනවා. කතානායකවරයා මේ සම්බන්ධ ව හැකි ඉක්මනින් මැදිහත් වන ලෙස අපි දන්වා සිටිනවා.” යනුවෙන් ද අගමැතිවරයා සඳහන් කළා.
