වැඩි වූ ඉන්ධන මිලත් සමඟ ත්‍රිරෝද රථ ගාස්තුත් ඉහළට

ඉන්ධන මිල ඉහළ දැමීමට රජය ගත් තීරණයත් සමඟ කුලී ත්‍රිරෝද රථ ගාස්තුවේ ද ඉහළ යාමක් සිදුවන බව ත්‍රිරෝද රථ සංගම් පවසනවා.

ඒ අනුව එම සංගමය සඳහන් කළේ පළමු කිලෝමීටරයට අය කෙරෙන ගාස්තුවේ කිසිඳු වෙනසක් නොවන බවත් දෙවන කිලෝමීටරයේ සිට ගාස්තුවේ ඉහළ යාමක් සිදුවන බවයි.

මේ වනවිට පළමු කිලෝමීටරය සඳහා රුපියල් 100ක මුදලක් අය කෙරෙන අතර දෙවන කිලෝමීටරයට අයකෙරෙන ගාස්තුව රුපියල් 80ක්.

මෙම මිල වැඩි කිරීමට අනුව දෙවන කිලෝමීටරයේ සිට අයකෙරෙන ගාස්තුව රුපියල් 10 කින් ඉහළ දමන බවයි ත්‍රිරෝද රථ සංගම් සඳහන් කළේ.

ඒ අනුව දෙවන කිලෝ මීටරයේ සිට කිලෝමීටරයකට අයකෙරෙන ගාස්තුව රුපියල් 90ක් දක්වා ඉහළ යනු ඇති.