ලබන වසරේ පෙබරවාරි මාසයේ සිට වාහන ආනයනය කිරීමට පසුගිය රජය ගෙන තිබූ තීරණයේ වෙනසක් සිදු නොවන බව මහ බැංකු අධිපති ආචාර්ය නන්දලාල් වීරසිංහ පවසනවා.
අද (27) ශ්‍රී ලංකා මහ බැංකුවේ පැවති ප්‍රවෘත්ති සාකච්ඡාවකට සහභගී වෙමින් මහ බැංකු අධිපතිවරයා මේ බව පැවසුවා.
රට තුළ පවතින විදෙස් සංචිත අනුව වාහන ආනයනය කටයුතු සිදු කිරීමට ශ්‍රී ලංකා මහ බැංකු පාසුගිය රජයට නිර්දේශ ලබා දී තිබූ බවයි ඔහු මෙහිදී සඳහන් කළේ.
ඒ, අනුව එම නිර්දේශය වෙනස් කිරීමේ හේතුවක් නොමැති බවයි මහ බැංකු අධිපතිවරයා වැඩිදුරටත් පවසා සිටියේ.
මේ අතර පසුගිය අගෝස්තු මාසය අවසන්වන විට මෙරට නිල විදේශ සංචිත සහ වත්කම් ප්‍රමාණය ඇමරිකානු ඩොලර් බිලියන හයක් බවයි ශ්‍රී ලංකා මහ බැංකුව සඳහන් කළේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
