දැනට ලංකාව තුළ වාහන එකලස් කිරීම හා යම් අගය එකතු කිරීමේ කර්මාන්ත සම්බන්ධයෙන් ක්රමවේදයක් සකස් කිරීමට රජයේ අවධානය යොමු කර ඇති බව මුදල්, ප්රාග්ධන වෙළෙඳපොළ හා රාජ්ය ව්යවසාය ප්රතිසංස්කරණ රාජ්ය අමාත්ය අජිත් නිවාඩ් කබ්රාල් මහතා අද(05) පාර්ලිමේන්තුවේදී පැවසීය.
ඉදිරි අනාගතයේදී යම් ආයෝජන රටට ගෙන්වා ගැනීමට කටයුතු කරගෙන යන බවත් දැනට එය සාකච්ඡා මට්ටමේ තිබෙන බවත් රාජ්ය අමාත්යවරයා පැවසී ය.
වාචික පිළිතුරු අපේක්ෂාවෙන් පාර්ලිමේන්තු මන්ත්රී මොහොමඩ් මුසම්මිල් මහතා යොමු කළ ප්රශ්න කිහිපයකට පිළිතුරු ලබා දෙමින් අද (05) දින පාර්ලිමේන්තුවේ දී රාජ්ය අමාත්යවරයා මේ බව කියා සිටියේය.
මේ වන විට ලෝකයේ ඉලෙක්ට්රික් වාහන සම්බන්ධයෙන් වැඩි උනන්දුවක් තිබෙන බවත් යම් දිනයක තම රජය විසින් වාහන ආනයනය සඳහා අවසර ලබා දුනහොත්, ඒ සම්බන්ධයෙන් වැඩි සැලකිල්ලක් යොමුකරනු ලබන බවත් හෙතෙම පෙන්වා දුන්නේය.
“අද ලෝකයේ බොහෝ රටවල් ඉලෙක්ට්රික් වාහන පිළිබඳව වැඩි සැලකිල්ලක් යොදවලා තියෙනවා. මං හිතන්නේ අපේ රටේත් එවැනි දෙයක් සිදුවිය යුතුයි. අපි යම් දිනයක වාහන ආනයනය කිරීමට අවසර දෙන විට අපි ඒ පිළිබඳව සැලකිලිමත් වෙන බව මතක් කර දෙන්නට කැමතියි. අපේ රට තුළ යම් ආකාරයකට වාහන නිෂ්පාදනය කිරීමට හැකියාවක් තිබෙනවා. ඒත් එක්කම රට තුළ අගය එකතු කිරීමත් අපිට ඉතාමත් හොඳින් කළ හැති අවකාශයකුත් තිබෙනවා. විශේෂයෙන්ම ටයර්, සීට්, ඒ වගේ දේවල් අපේ රටේ කරන්න පුළුවන්. ඒ ගැනත් අපි සැලකිලිමත් වෙලා තියෙනවා. ඒ සියලුම අංශයන් ඔස්සේ කොවිඩ් වසංගතය නිසා එක් හොඳක් ලෙස අපේ රටේ ව්යාපාරිකයන් බොහොම උනන්දුවකින් කටයුතු කරනවා කියන්න පුළුවන්. ඒ නිසා ඒ හරහා අපිට මෙවැනි කර්මාන්ත දියත් කරන්න හැකිවෙයි කියා අපි බලාපොරොත්තු වෙනවා. ඒ සඳහා රජයේ දැඩි අවධානය යොමුකරනවා.” යැයිද රාජ්ය අමාත්යවරයා සඳහන් කළේය.
වත්මන් රජය වාහන ආනයනය සීමා කිරීමට තීරණය කළේ කොවිඩ් තත්ත්වය සැලකිල්ලට ගෙන රටේ ආර්ථික ස්ථාවරත්වය තහවුරු කිරීමේ අරමුණන් යුතුව යැයි කී මුදල් රාජ්ය අමාත්යවරයා එම තීරණය වෙනස් කිරීම සම්බන්ධයෙන් මේ වසරේ අගදී සලකා බලන බව ද සඳහන් කරයි.
මේ අතර 2015 සිට 2019 දක්වා වසර 5 තුළ දී වාහන ආනයනය සඳහා වියදම් කර තිබෙන මුළු මුදල රු. බිලියන 1239 ක් හෙවත් රු. ට්රිලියන 1.239 ක් බවත්, රටවල් 103 කින් වාහන ආනයනය කර ඇති බවත් රාජ්ය අමාත්යවරයා අනාවරණය කළේය.
