වාහන ආනයන අවසර ලබාදෙමින් ගැසට් නිවේදනය නිකුත් කිරීමත් සමඟ මුදල් ආමාත්‍යංශ විසින් වාහන ආනයන සඳහා කොන්දේසි කිහිපයක් පනවමින් විශේෂ නිවේදනයක් නිකුත්කර තිබෙනවා.
2020 වර්ෂයේ මුල භාගයේ සිට ක්‍රියාත්මක වූ තාවකාලික ආනයන සීමා ඉවත් කරමින් සංයෝජිත වර්ගීකරණ සංකේතාංක 304ක් යටතේ වර්ගීකරණය වන පුද්ගලික භාවිතය සඳහා යොදා ගන්නා වාහන ආනයනයට අවසර ලබා දෙමින් අද (01) සිට ක්‍රියාත්මක වන පරිදි 2421/44 දරණ අති විශේෂ ගැසට් නිවේදනය ප්‍රකාශයට පත් කර ඇති බවයි අදාළ නිව්දනයේ දැක්වෙන්නේ.
ඒ, අනුව කාර්, වෑන් ආදී මෝටර් වාහන, පොදු ප්‍රවාහන කටයුතු සඳහා යොදා ගන්නා බස් රථ, භාණ්ඩ ප්‍රවාහනය සඳහා යොදා ගන්නා මෝටර් වාහන, විශේෂ කාර්යයන් සඳහා යොදා ගන්නා රථ, ත්‍රී රෝද රථ, යතුරුපැදි සහ අනෙකුත් මෝටර් එන්ජින් භාවිත නොවන අයිතම සඳහා මෙලෙස ආනයනයට අවර හිමිව ඇති බව ද එහි සඳහන්.
විදේශ විනිමය සංචිත ආරක්ෂා කිරීම, විදේශ විනිමය වැයකරමින් විශාල ප්‍රමාණයෙන් වාහන ආනයනය කර තොග රැස් කිරීම අධෛර්යයමත් කිරීම, රාජ්‍ය ආදායම වැඩිකර ගැනීම ආදී කරුණු සැලකිල්ලට ගනිමින්, රට තුළ සිදුවන සාමාන්‍ය ආර්ථික කටයුතු දිරිමත් කිරීමේ සහ ආර්ථික ස්ථාවරභාවය සුරක්ෂිත කිරීමේ අරමුණු සහිතව මෙම කොන්දේසි නවය පනවා ඇති බවයි මුදල් ආමාත්‍යංශය සඳහන් කරන්නේ.
එම කොන්දේසි 09 ඇතුළත් මුදල් ආමාත්‍යංශය නිකුත් කළ නිවේදනය පහතින්.
