වාණිජ බැංකුවල පොලී අනුපාත 2.5% කින් පමණ අඩු කිරීමට අපේක්ෂා කරන බව මුදල් රාජ්ය අමාත්ය රංජිත් සියඹලාපිටිය මහතා පවසනවා.
රාජ්ය අමාත්යවරයා ප්රකාශ කළේ අද පෙරවරුවේ ශ්රී ලංකා මහ බැංකුව ප්රතිපත්ති පොලී අනුපාත ලිහිල් කිරීමෙන් අනතුරුව මෙම අඩුවීම අපේක්ෂා කරන බවයි.
මහ බැංකුව විසින් නිත්ය තැන්පතු පහසුකම් අනුපාතිකය සහ නිත්ය ණය පහසුකම් අනුපාතිකය පිළිවෙළින් සියයට 13 සහ සියයට 14 දක්වා අඩු කරනු ලැබුවා.
උද්ධමනය බලාපොරොත්තු වූවාට වඩා වේගයෙන් මන්දගාමී වීම, උද්ධමන පීඩනය ක්රමයෙන් පහව යාම යන කරුණුවලට අනුකූලව මුදල් කොන්දේසි ලිහිල් කිරීමේ අරමුණින් මහ බැංකුවේ මුදල් මණ්ඩලය මෙම තීරණයට එළැඹ තිබෙනවා.
මේ අතර මේ වසරේ ශ්රී ලංකාවේ ආර්ථිකය සියයට 0.2 කින් හැකිලෙනු ඇතැයි මහ බැංකු අධිපති නන්දලාල් වීරසිංහ මහතා පවසනවා.
මහ බැංකු මූලස්ථානයේ අද පැවති මාධ්ය හමුවකට එක්වෙමින් නන්දලාල් වීරසිංහ කියා සිටියේ මේ වසරේ තුන්වන සහ සිව්වන කාර්තුව තුළ ආර්ථිකය වර්ධනය වනු ඇතැයි අපේක්ෂා කරන බවයි.
