වසරකට මෙරට තුළ පිළිකා රෝගීන් 40,000ක් පමණ වාර්තා වන බවත් ඉන් පිළිකා රෝගීන් 1000කට අධික සංඛ්යාවක් ළමා රෝගීන් බවත් මහරගම අපේක්ෂා රෝහලේ රුධිරගත පිළිකා සහ රුධිර ජනක සෛල බද්ධය විශේෂණ සහ ශ්රී ලංකා පිළිකා විශේෂඥයින්ගේ විද්යායතනයේ ලේඛකාධිකාරී වෛද්ය බුද්ධික සෝමවර්ධන මහතා පවසනවා.
හෙට (04) දිනට යෙදී ඇති ලෝක පිළිකා දිනය සම්බන්ධයෙන් අදහස් පළ කරමින් වෛද්යවරයා මේ බව කියා සිටියා.
දරුවන් අතර මේ වනවිට ශීඝ්රයෙන් පිළිකා රෝගය ඇතිවීමේ ප්රවණතාවක් දක්නට ලැබෙන අතර කාන්තාවන් අතර ද මෙය ජනප්රිය මට්ටමේ රෝග තත්ත්වයක් බවට පත් ව ඇත්තේ පියයුරු පිළිකා වර්ධනය වීම හේතුවෙන් බව ද පැවසෙනවා.
එමෙන්ම පිරිමි පාර්ශ්වය අතර ඇත්තේ වැඩි වශයෙන් මුඛ පිළිකා බවයි වෛද්ය බුද්ධික මහතා පෙන්වාදෙන්නේ.
දුම්පානය, වැරදි ආහාර රටාවන්, ස්ථූලතාව වැඩිහිටි පිළිකා වැළඳීමේ අවදානම දුරු කරගැනීමට අනුගමනය කළ හැකි වුව ද දරුවන් අතර පවතින පිළිකා නවත්වා ගැනීමට ක්රමයක් නොමැති බව ද පවසනවා.
අනුගමනය කරන ජීවන රටා හේතුවෙන් දරුවන් හට පිළිකා නො වැළඳෙන බව පවසන වෛද්ය බුද්ධික මහතා පෙන්වාදෙන්නේ දරුවන් අතර වැඩි වශයෙන් ම ලියුකේමියා රෝගය දක්නට ලැබෙන බවත් රෝග ලක්ෂණ දුටුවහොත් වහාම වෛද්ය උපදෙස් ලබාගැනීම අත්යවශ්ය බවත් වෛද්යවරයා අවධාරණය කරනවා.
මෙම ලියුකේමියා පිළිකා තත්ත්වය සියයට 5ක පමණ ප්රවේණිගතව එන්නක් බව ද වාර්තා වනවා.
