කොළඹ වරාය පෞද්ගලීකරණය සිදු නොකරන නමුත්; පෞද්ගලික අංශය සමඟ කටයුතු කරන බව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මහතා පවසනවා.
අද (12) පෙරවරුවේ කොළඹ වරායේ නිරීක්ෂණ චාරිකාවකට එක්වෙමින් අමාත්‍යවරයා පැවසුවේ ඉන්දියාවේ අදානි සමාගම ද සිය ඉදිකිරීම් ව්‍යාපෘතිය ආරම්භ කිරීම මීට සුබදායී කරුණක් බවයි.
නැගෙනහිර පර්යන්තයේ සංවර්ධන කටයුතු සම්බන්ධයෙන් සොයා බැලීම ද මෙහිදී සිදු වූ අතර සෙසු පෞද්ගලික ජැටි පිළිබඳව ද සොයා බලන බවය ද අමාත්‍යවරයා මාධ්‍ය වෙත පැවසුවා.
ලබන වසරේ ජූනි 30 වැනිදා වන විට නැගෙනහිර පර්යන්තයේ සංවර්ධන කටයුතු නිමා වීමෙන් පසු එය ද වරාය මෙහෙයුම්වලට සම්බන්ධ වන හෙයින් දැනට වඩා දෙගුණයකටත් වැඩියෙන් බහාලුම් කටයුතු කාර්යක්ෂ්ම ව ක්‍රියාත්මක වනු ඇති බව ද වරාය අමාත්‍යවරයා සඳහන් කළා.
පොදුවේ කොළඹ වරාය දියුණු කිරීම හරහා කාර්යක්ෂ්මතාව වැඩිකරගැනීම අපේක්ෂාව බවයි හෙතෙම වැඩිදුරටත් සඳහන් කළේ.
