2026 පන්දුවාර 20-20 ලෝක කුසලාන තරගාවලියේ එළඹෙන 15 වනදා පැවැත්වීමට නියමිත ඉන්දියාවට එරෙහි තීරණාත්මක තරගය සඳහා සහභාගී වන ලෙස පාකිස්ථාන රජය එරට ක්රිකට් කණ්ඩායමට නිල වශයෙන් අවසර ලබා දී ඇති බව වාර්තා වනවා.
මේ සම්බන්ධයෙන් පාකිස්ථාන රජය සිය නිල ‘එක්ස්’ ගිණුමේ සටහනක් තබමින් සඳහන් කර ඇත්තේ, නියමිත කාලසටහනට අනුව පෙබරවාරි 15 වනදා ඉන්දිය කණ්ඩායම සමඟ තරග කරන ලෙසයි.
මේ අතර පාකිස්ථාන – ඉන්දියා තරගය සම්බන්ධයෙන් ජනාධිපති අනුර කුමාර දිසානායක සහ පපාකිස්ථාන අග්රාමාත්ය ෂෙහ්බාස් ෂරීෆ් අතර විශේෂ දුරකථන සංවාදයක් ඊයේ (09) සිදුව ඇති බව වාර්තා වනවා.
එහිදී අනුර කුමාර ජනාධිපතිවරයා පාකිස්ථාන අග්රාමාත්යවරයාගෙන් ඉල්ලා ඇත්තේ, දෙරට අතර පවතින දීර්ඝකාලීන මිත්රත්වය සලකා, ශ්රී ලංකාවේ පැවැත්වෙන ඉන්දියාවට එරෙහි තරගයට පාකිස්ථාන කණ්ඩායම සහභාගී කරවන ලෙසයි.
ජනාධිපති අනුර කුමාර දිසානායකගේ විශේෂ ඉල්ලීම ද පාකිස්ථාන රජයේ මෙම තීරණයට වැඩි බලපෑමක් එල්ල කළ බව විදෙස් වාර්තා සදහන් කරනවා.
