ලොව හොඳම මනාලිය හැඩගැන්වීම සඳහා වූ සම්මානය අපේ රටේ රූපලාවන්‍ය ශිල්පිනියකට

OMC HAIRWORLD WORLD CUP තරඟාවලියේ ලොව හොඳම මනාලියට හැඩගැන්වීම සඳහා වූ සම්මානය දිනාගැනීමට ශ්‍රී ලාංකික රූපලාවන්‍ය ශිල්පිනියක් වන තීක්ෂණී කාරියවසම්ට හැකි වී තිබෙනවා. පසුගිය 27 වැනිදා මෙම තරඟාවලිය පැවැත්වී තිබුණු අතර ලොව රටවල් බොහෝ ගණනකින් තරඟකරුවන් රැසක් මේ සඳහා ඉදිරිපත් වී තිබුණා.

සිය ජයග්‍රහණය පිළිබඳව තීක්ෂණී සිය ගිණුමේ මෙලෙස සටහනක් තබා තිබුණා,

“මට හිමිවුණු ජාත්‍යන්තර ජයග්‍රහණය ගැන මට මේ වෙලාවේ තියෙන්නේ කියාගන්න බැරි තරම් සතුටක්. ඒ වගේම මේක මගේ තනි ජයග්‍රහණයක් නෙවෙයි. අපේ රටේම ජයග්‍රහණයක්. මගේ හීනයක් තිබුණා අපේ ශ්‍රී ලාංකික කොඩිය අන් ස්ටේජ් එකක මේ කුසලානය ගන්න. මගේ රට වෙනුවෙන් මට කරන්න පුළුවන් උපරිමය කරන්න. මට මේක මහමෙරකටත් එහා. ඒ වගේම මට මේ තැනට යන්න මට හයිය වුණු හැමෝටම ස්තූතියි කරනවා මුළු හදවතින්ම..”