කරන්දෙනිය, තල්ගහවත්ත ප්‍රදේශයේ නිවසක තනිව ජීවත්වූ 74 හැවිරිදි කාන්තාවක් සැක සහිත ලෙස මියයාම සම්බන්ධයෙන් සිදුකළ මරණ පරීක්ෂණයේදී ඇය ලිංගික අපයෝජනයකට ලක්වී ඇති බව හෙළිව තිබෙනවා.
මෙලෙස මිය ගොස් තිබුණේ, ගාල්ල කරන්දෙණිය ප්‍රදේශයේ ස්වාමියා මියගිය පසුව තනිව ජීවත් වූ කාන්තාවක්.
අදාළ කාන්තාව පසුගිය 21වනදා සිය නිවස තුළ සිහිසුන්ව වැටී සිටියදී අසල්වාසීන් විසින් රෝහල්ගත කර ඇති අතර දින 04කට පසු ඇය මියගොස් තිබෙනවා.
දේහය පරීක්ෂාකළ වෛද්‍යවරුන් සිරුරේ සීරීම් සහ තුවාල නිරීක්ෂණය කර තිබුණා.
එහිදී ඇති වූ සැකය මත තවදුරටත් සිදු කළ පරීක්ෂණවලදී අනාවරණය වී ඇත්තේ ඇය ලිංගික අපයෝජනයකට ලක්ව ඇති බවයි.
මෙම සිද්ධිය සම්බන්ධයෙන් වෛද්‍යවරුන් කරන්දෙනිය පොලිසියට කළ දැනුම්දීමකට අනුව සැක සහිත පුද්ගලයෙකු අත්අඩංගුවට තිබෙනවා.
පොලිසිය සඳහන් කරන්නේ, මෙම පුද්ගලයා නිතර එම නිවසට ආ ගිය අයෙක් බවයි.
මිය ගිය කාන්තාවගේ පශ්චාත් මරණ පරීක්ෂණ‍ය ලබන 29 වනදා ඇල්පිටිය මූලික රෝහලේ දී සිදුකිරීමට නියමිතයි.
අත්අඩංගුවට ගත් සැකකරු ඇල්පිටිය අධිකරණයට ඉදිරිපත් කිරීමෙන් අනතුරුව ලබන පෙබරවාරි මස 8 වනදා දක්වා රක්ෂිත බන්ධනාගාර ගත කෙරුණා.
