චිත්‍රාල් සෝමපාල කියන්නේ ලංකාව ජාත්‍යන්තරයට ගෙනගිය දක්ෂ සංගීඥයෙක්. විශේෂයෙන් රොක් සංගීතයෙන් ලංකාවේ නම ලෝකය ඉදිරියේ තබන්නට චිත්‍රාල් වෙහෙසුණා. කෙසේවෙතත් චිත්‍රාල්ගේ බාහිර පෙනුමට පහුගිය දිනවල සමාජ මාධ්‍ය තුළ විහිලුවක් බවට පත්වුණු බවක් දකින්න ලැබුණා. චිත්‍රාල් දේශපාලනය පිළිබඳව සමාජ මාධ්‍ය තුළින් තමන්ගේ මතය ඉදිරිපත් කළ නිසාත් ඔහුව මෙලෙස විහිලුවකට ගැනීමඅ කටයුතු කරන්නට ඇති බවයි බොහෝ දෙනෙක් පවසන්නේ. කෙසේවෙතත් මේ සම්බන්ධයෙන් චිත්‍රාල් සිය ෆේස්බුක් ගිණුමේ මෙලෙස සටහනක් තබා තිබුණා.
“හදවතින්, ඉතාමත් ගෞරවයෙන් මේ කියන්නේ …. මම මාගේ ජීවිතේට මට වඩා වයසක මනුස්සයෙකුට විහිලු තහලු කරලත් නැහැ කරන්නෙත් නැහැ මොකද ඒ මිනිස්සු ලෝකේ දැකලා තියෙන්නේ අපට කලින් සහ ඒකට අපි ගරු කල යුතුයි. නමුත් අද මම දකිනවා ආච්චී, ආත්තම්මා අරක මේක කියලා මීම්ස් හදලා මිනිස්සු අපිව විහිලුවකට අරගෙන විනෝද වෙනවා, කමක් නැහැ …. එක පාරක් දෙපාරක් හොඳයි නමුත් මේකේ අවසානයක් තිබිය යුතුයි …. දැන් කියයි මට රිදිලා එතකොට මට හර්ට් වෙලා කියා, පොඩ්ඩක් හිතන්න ඕගොල්ලෝ වෙනුවෙන් අපි සින්දු හදලා ඕගොල්ලන්ගේ දුක සතුටකට පත් කරන්න අපි ලොකු ගැම්මක් ගන්නවා ඉතින් එහෙම මිනිස්සුන්ට ගරු කලොත් නරකද? ඕගොල්ලෝ වෙනුවෙන් අපි යමක් මේ සෝෂල් මිඩියා වල දානකොටත් එතනට ෆේක් ප්‍රොෆයිල් වලින් ඇවිත් කුණුහරප පතුරලා අපහාස කරන එකද වැදගත් කම කියන්නේ ? ලංකාව කියන්නේ වැදගත් මිනිස්සු හිටපු රටක්, නමුත් අද හරිම කනගාටුයි මේ රටේ මිනිස්සුන්ගේ බංකොලොත් හැසිරීම ගැන, කලාකරුවෝ කියා ගන්න සම හරක් උනුත් මේවාට වග කිය යුතුයි මොකද මේවා වලින් දෙන්නේ නරක ආදර්ශයක්. ඉතින් අහන්න දෙයක් යෑ සුන්දර කලාව ගමන් කරන්නේත් වැරදි පැත්තට, මේ දේවල් වලට අපි වෙනුවෙන් විරුද්දව කතා කලොත් ඒ මිනිස්සුන්ටත් හම්බවෙන්නේ මඩ, මඩ ගහනවා කියන්නේ වීරකමක් නොව නිවට නියාලු කමක් කියා මතක තියා ගන්න. ශ්‍රී ලංකාවේ අනාගත පරපුරට ජයවේවා
wpDiscuz
