ශ්රී ලංකාවේ මුහුදු වැලි අපනයනය කර මාලදිවයිනේ දූපතක් සාදන බවට පසුගියදා පාර්ලිමේන්තුවේ දී හෙළිවූ අතර ඒ සම්බන්ධව මාධ්ය විසින්ද පුවතක් වාර්තා කර තිබුණා.
මේ සම්බන්ධව ශ්රී ලංකා භූ විද්යා සමීක්ෂණ හා පතල් කාර්යාංශය විසින් විශේෂ නිවේදනයක් නිකුත් කර තිබෙනවා.
එම කාර්යාංශය අවධාරණය කරන්නේ සුවිශේෂි වූ අවශ්යතාවක් මත අමාත්ය මණ්ඩල අනුමැතිය ලදහොත් මිස වෙනත් කිසිදු හේතුවක් මත මෙරට වැලි අපනයනය සඳහා බලපත්ර නිකුත් නොකර බවයි.
භූ විද්යා සමීක්ෂණ හා පතල් කාර්යාංශය සිය මාධ්ය නිවේදනය හරහා වැඩිදුරටත් පවසා තිබෙන්නේ මාලදිවයින තුළ ඉදිකිරීම් කටයුතුවල නිතර ශ්රී ලාංකීක සමාගම් සඳහා එම ඉදි කිරීම්වලදී ජල තටාත හා නළ ළිං සඳහා ජල පිරිපහදු කිරීමේ කර්තව්ය සඳහා යොදගැනීම සඳහා පරිපහදු වැලි (Filter Sand) ආසන්න වශයෙන් කියුබ් 8ක් පමණ වරින් වර අපනයනය කිරීම සඳහා අවසර ලබාදී ඇති බවයි.
එහිදී එම පිරිපහදු වැලි කියුබ් එකක් සඳහා රුපියල් එක්ලක්ෂ අසූ දහසක් (රු.180,000ක්) මුදලකට අපනයන කර ඇති බවද වාර්තා වෙනවා.
ශ්රී ලංකාවෙන් මාලදිවයිනේ දූපත් පිරවීම පිණිස හෝ වෙනත් කරුණක් සඳහා හෝ වැලි අපනයනය සඳහා භූ විද්යා සමීක්ෂණ හා පතල් කාර්යාංශය වෙත කිසිදු ඉල්ලීමක් ඉදිරිපත් වී නොමැති බවද ඔවුන් සිය මාධ්ය නිවේදනය හරහා වැඩිදුරටත් පවසා සිටිනවා.
භූ විද්යා සමීක්ෂණ හා පතල් කාර්යාංශය විසින් ඊයේ (13) දිනයේ නිකුත් කළ මාධ්ය නිවේදනය පහතින්,
