නියෝජ්‍ය අමාත්‍ය නලීන් හේවගේ සහ සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා අතර අද (22) පාර්ලිමේන්තුවේ දී උණුසුම් තත්ත්වයක් ඇති වුණා.
සමගි ජන බලවේගයේ මාතලේ දිස්ත්‍රික් පාර්ලිමේන්තු මන්ත්‍රීනී රෝහිනී කවිරත්නට අපහාසවන අයුරින් නලීන් හේවගේ නියෝජ්‍ය අමාත්‍යවරයා ප්‍රකාශයක් සිදුකළ බව පවසමින් හර්ෂ ද සිල්වා මන්ත්‍රීවරයා සඳහන් කළේ වහාම එම ප්‍රකාශය ඉල්ලා අස්කර ගන්නා ලෙසයි.
ඒ, අනුව අදාළ ප්‍රකාශය පාර්ලිමේන්තුවේ හැන්සාඩ් වාර්තාවෙන් ඉවත් කරගන්නා ලෙසයි හර්ෂ ද සිල්වා මන්ත්‍රීවරයා මෙහිදී පවසා සිටියේ.
ඒ, සමඟ නියෝජ්‍ය අමාත්‍ය නලීන් හේවගේ සහ හර්ෂ ද සිල්වා මන්ත්‍රීවරයා අතර මෙම උණුසුම් තත්ත්වය හට ගත්තා.
මේ අතර ඊට ප්‍රතිචාර දක්වමින් ආණ්ඩුවේ ප්‍රධාන සංවිධායක අමාත්‍ය නලින්ද ජයතිස්ස සඳහන් කර සිටියේ නියෝජ්‍ය අමාත්‍ය නලීන් හේවගේ ප්‍රකාශයෙන් මන්ත්‍රීනී රෝහිනී කවිරත්නට කිසියම් අගතියක් වූවානම් එම ප්‍රකාශය හැන්සාඩ් වාර්තාවෙන් ඉවත් කිරීමට කටයුතු කරන බවයි.
කෙසේ වෙතත් මෙම සිද්ධිය සිදුවන අවස්ථාවේ දී මන්ත්‍රීනී රෝහිනී කවිරත්න පාර්ලිමේන්තු සභා ගර්භයේ සිටියේ නැහැ.
