රෝහලේ බෝම්බකරු රටම හෙල්ලෙන කතාවක් එළියට දායි

නාරාහේන්පිට ලංකා රෝහලේ වැසිකිලියක තිබී හමුවූ කාල බෝම්බය සකස් කළැයි කියන පුද්ගලයකු ත්‍රිකුණාමලය උප්පුවේලි ප්‍රදේශයේදී කොළඹ අපරාධ කොට්ඨාශයේ නිලධාරීන් විසින් අත්අඩංගුවට ගෙන තිබේ.

මෙම සැකකරු ද රෝහල් වැසිකිලියේ බෝම්බය තැබූ සැකකරු සේවය කළ ඉදිකිරීම් සමාගමේම සේවය කළ අයෙකි.

පුනුර්තාපනය වූ කොටි සාමාජිකයකුගේ සොහොයුරකු වන එම සැකකරු රදවාගෙන දීර්ඝ ලෙස ප්‍රශ්න කිරීමේදී බෝම්බය ඇටවූයේ තමා නොවන බවත් තමා සමග සේවය කළ වෙනත් මිතුරෙක් විසින් බවත් හෙළිකර ඇත. ඒ අනුව පොලිස් කණ්ඩායමක් ත්‍රිකුණාමලයට ගොස් උප්පුවේලි ප්‍රදේශයෙදී මෙම සැකකරු අත්අඩංගුවට ගෙන තිබේ.

22 හැවිරිදි වියේ පසු වන මෙම සැකකරුගෙන් මේ වන විට ප්‍රශ්න කිරීම් සිදුවන අතර ඉතා වැදගත් තොරතුරු රැසක් හෙළිවෙමින් ඇතැයි පොලිස් ආරංචි මාර්ග කියයි.