ඉන්දියාවේ සිට මෙරටට නීතිවිරෝධී ව ගෙන්වූ රුපියල් මිලියන 50කට ආසන්න වටිනාකමකින් යුතු කෘෂි රසායන ද්‍රව්‍ය තොගයක් සමග පුද්ගලයින් සිව්දෙනෙකු අත්අඩංගුවට ගෙන තිබෙනවා.
මෙම සැකකරුවන් ඉන්දියාවේ සිට බෝට්ටු මාර්ගයෙන් ඉතා සූක්ෂ්ම ව මෙරටට අදාළ කෘෂි රසායනික තොගය ගෙන්වා ඇති බවයි වාර්තාකරු පැවසුවේ.
සැකකරුවන් ව ඊයේ (04) අත් අඩංගුවට ගැනුණේ යාපනය – වේලනෙයි, තුරේයූර් ප්‍රදේශයේ දීයි.
කයිට්ස් පොලිසිය සිදු කළ පරීක්ෂණයකින් අනතුරුව මෙම සැකකරුවන් අත්අඩංගුවට ගැනුණු අතර ඒ සඳහා යුද හමුදා බුද්ධි තොරතුරු ද ඉවහල් වී තිබෙනවා.
අත්අඩංගුවට ගත් සැකකරුවන් වේලනෙයි ප්‍රදේශයේ පදිංචි වයස අවුරුදු 21ක් වන අය බවත් ඔවුන් කයිට්ස් මහේස්ත්‍රාත් අධිකරණයට ඉදිරිපත් කිරීමට නියමිත බවත් පැවසෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
