රිය අනතුරකින් සයදෙනෙකුට තුවාල – තිදෙනෙකුගේ තත්ත්වය බරපතළයි

කොළඹ – නුවර ප්‍රධාන මාර්ගයේ වරකාපොළ – තෝලංගමුව ප්‍රදේශයේ දී සිදු වූ රිය අනතුරකින් පුද්ගලයින් සයදෙනෙකු තුවාල ලබා රෝහල්ගත කර තිබෙනවා.

අද (30) උදෑසන මෙම අනතුර සිදු ව ඇත්තේ බස් රථයක්; ලොරි රථයක හා වෑන් රථයක ගැටීමෙන් බවයි වාර්තා වන්නේ.

අනතුර සිදුවන අවස්ථාවේ දී වෑන් රියෙහි ගමන් කරමින් සිට ඇත්තේ භික්ෂූන් වහන්සේ නමක්, රියදුරු හා කාන්තාවක් වන අතර ඔවුන් බරපතළ තත්ත්වයේ පසුවන බවයි වරකාපොළ පොලිසිය සඳහන් කළේ.

තුවාලකරුවන් ප්‍රතිකාර සඳහා රෝහල්ගත කෙරුණා.

බස්රථ රියදුරුගේ අපරීක්ෂාකාරී රිය ධාවනය මෙම අනතුරට හේතුව බව පොලිසිය පවසනවා.