පුත්තලම – අනුරාධපුර මාර්ගයේ කරුවලගස්වැව මීඔය පාලමට ඔබ්බෙන් අද (01) අලුයම අලි පැටවෙකු වාහනයක ගැටී තිබෙනවා.
වාහනයේ ගැටුන වන අලි පැටවා දැඩි ලෙස අසාධ්ය තත්ත්වයේ පසුවන බවයි පරික්ෂණ පවත්වන කරුවලගස්වැව වන ජීවි ඒකකයේ නිලධාරීන් සඳහන් කරන්නේ.
මෙසේ අනතුරට ලක්ව ඇත්තේ තබ්බෝව අභය භූමියේ සැරිසරන අලි රංචුවක සිටි අවුරුදු හතරක් පමණ වයසැති කුඩා අලි පැටවෙක්.
අනතුරෙන් අලි පැටවාගේ පිටුපස කකුල් දෙකටම බරපතළ තුවාල සිදුව තිබෙනවා.
අනතුර සිදු කල වාහනය පලාගොස් ඇති අතර ඒ සම්බන්ධයෙන් පුළුල් විමර්ශණයක් ආරම්භ කරන බව එම නිලදාරීන් පැවසුවා.
පුත්තලම අනුරාධපුර මාර්ගයේ ස්ථාන කිහිපය දී මීට පෙරද මෙලෙස වන අලි වාහන වල ගැටීමෙන් අනතුරු නිරන්තරයෙන් වාර්තා වන බවත්, මෙම මාර්ගයේ රාත්රි කාලයේ වල් අලි බහුල වශයෙන් ගැවසෙන බවත්, එම නිලධාරීන් සඳහන් කරනවා.
පලා ගොස් ඇති වාහනය කඩිනමින් සොයා ගැනීමට කටයුතු සිදුකරන බවයි එම නිලධාරීන් වැඩිදුරටත් කියා සිටියේ
