ශ්රී ලංකාවේ ප්රවාහන පද්ධතියට මෝටර් නොවන ප්රවාහන ක්රම හඳුන්වා දීමට පරිසර අමාත්ය මහින්ද අමරවීර විසින් ගෙන එනු ලැබූ අමාත්ය මණ්ඩලය පත්රිකාවට ඊයේ රැස්වූ කැබිනට් මණ්ඩලයේ අනුමැතිය හිමිව තිබෙනවා.
මෙරට සක්රීය වාහන ප්රමාණය මිලියන 05 කට අධික වන අතර එය 2000 වර්ෂයට වඩා තුන් ගුණයක වැඩි වීමක් පෙන්නුම් කරනු ලබන බවත් විශේෂයෙන් ත්රිරෝද රථ, මෝටර් සයිකල් සහ මෝටර් රථ වැනි පුද්ගලික වාහන ආනයනය ඉහළ යෑම ඒ සඳහා හේතුවී ඇති බව නිරීක්ෂණය වී තිබේ.
මෝටර් නොවන ප්රවාහන ක්රම භාවිතය තුලින් වායු දුෂණය අවම කිරිම මෙන්ම ශරිර සෞඛ්ය, වාතයේ ගුණාත්මකභාවය, පරිසරය, දේශගුණික විපර්යාස සහ පුද්ගල මුල්ය කෙරෙහි ධනාත්මක බලපෑමක් ඇති කරනු ලබන බවයි පරිසර අමාත්යවරයා මෙහිදී පෙන්වා දී ඇත්තේ.
ඒ අනුව ,
- පවතින මාර්ග සඳහා සුදුසු පාපැදි මංතීරු සලකුණු කිරීම සහ පදිකයින් සඳහා වන දැනට පවතින ඇවිදීමේ මංතීරු වැඩිදියුණු කිරිම.
- අනාගතයේදී ඉදිකරනු ලබන මාර්ග සඳහා පාපැදි සහ ඇවිදින මංතිරු ඇතුලත් කිරිමට පියවර ගැනීම.
- රජයේ කාර්යාල කාර්යමණ්ඩල සඳහා පා පැදි භාවිතය දිරි ගැන්විමට අවශ්ය ක්රියා මාර්ග ගැනීම.
- කාර්යාලවල පා පැදි භාවිත කරන්නන් සඳහා ඒවා නවතා තැබීමේ ස්ථාන සහ ඒ සඳහා ප්රවේශය ඇතුළු අවශ්ය පහසුකම් සපයා දීමට මෙහිදී කැබිනට් අනුමැතිය හිමිව ඇත.