ආයතන සංග්රහයේ I වැනි කාණ්ඩයේ XII වැනි පරිච්ඡේදයේ 8:5 උප වගන්තිය සංශෝධනය කිරීම
රජයේ නිලධරයන්ගේ නිවාඩු සම්බන්ධයෙන් විධිවිධාන ආයතන සංග්රහයේ I වැනි කාණ්ඩයේ XII වැනි පරිච්ඡේදයේ ඇතුළත් වනවා.
දිවයිනෙන් බැහැරව නිවාඩුවක් ගත කර පැමිණ මාස 09ක අඛණ්ඩ සේවා කාලයක් සම්පූර්ණ කිරීමට පෙර නැවත දිවයිනෙන් බැහැර නිවාඩුවක් ඉල්ලුම් කරන රජයේ නිලධරයෙකුට ආයතන සංග්රහයේ XII වැනි පරිච්ඡේදයේ 8:5 උප වගන්තියේ විධිවිධාන අනුව නිවාඩු ලබා දිය හැක්කේ එම වර්ෂයට අදාළ විවේක නිවාඩු කිසිවක් ඒ වන විට ලබා ගෙන නොමැති නම් පමක් බවයි වාර්තා වන්නේ.
එකී විධිවිධාන අනුව යම් නිලධාරියෙකුට එක් ලිත් වර්ෂයක් තුළ දී පෞද්ගලික කාරණ සඳහා විදේශගත වීමට හැකියාව පවතිනුයේ උපරිම වශයෙන් දෙවතාවක් පමණක් වනවා.
වර්තමානයේදී රජයේ නිලධරයන් රාජකාරි අවශ්යතා සඳහා මෙන්ම, පෞද්ගලික අවශ්යතා සඳහා ද කෙටිකාලීනව විදේශගත වන බැවින් ආයතන සංග්රහයේ I වැනි කාණ්ඩයේ XII වැනි පරිච්ඡේදයේ 8:5 උප වගන්තියේ විධිවිධාන අනුව කටයුතු කිරීමේදී විවිධ ගැටලුවලට මුහුණ පෑමට සිදු වන බව නිරීක්ෂණය වන බවයි කැබිනට් මණ්ඩල සාකච්ඡාවේ දී අනාවරණය වී ඇත්තේ.
එබැවින්, මෙරටින් බැහැරව ගත කරන නිවාඩුවකින් පසු රාජකාරියට වාර්තා කළ නිලධරයෙකු, එම වර්ෂයේදීම නැවත වරක් විදේශ නිවාඩු ලබා ගැනීමට අදහස් කරන විට එම නිලධරයාට එසේ නිවාඩු ලබාගන්නා වර්ෂයට හිමි ඉතිරි විවේක නිවාඩු ලබා ගැනීමට හැකි වන පරිදි ආයතන සංග්රහයේ XII වැනි පරිච්ඡේදයේ 8:5 උප වගන්තිය සංශෝධනය කිරීම පිණිස රාජ්ය පරිපාලන, පළාත් සභා සහ පළාත් පාලන අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරනු ලැබුවා.
