රජයේ නිලධාරීන්ට ලබා දෙන උත්සව අතිකාරම් මුදල ඉහළ දැමීමට අදාළ චක්රලේඛය නිකුත් කර තිබෙනවා.
ඒ, රාජ්ය පරිපාලන, පළාත් සභා සහ පළාත් පාලන අමාත්යාංශය විසින්.
රාජ්ය නිලධාරීන්ට ලබා දෙන උත්සව අතිකාරම් මුදල රුපියල් 15,000ක් දක්වා ඉහළ දැමීමට අමාත්ය මණ්ඩල අනුමැතිය පසුගිය දා හිමිව තිබුණා.
රජයේ නිලධාරීන්ට උත්සව අත්තිකාරම් ගෙවීම සම්බන්ධයෙන් වන ආයතන සංග්රහයේ විධිවිධාන අනුව නිලධාරියෙකුට තෛපොංගල්, රාමසාන්, සිංහල හා හින්දු අලුත් අවුරුද්ද, වෙසක්, දීපාවලි සහ නත්තල් වැනි උත්සව අවස්ථා සඳහා සහ වන්දනා ගමන් සඳහා (ශ්රී පාද වන්දනාව සහ හජ් වන්දනාව වැනි) අත්තිකාරම් වශයෙන් රුපියල් 15,000ක් ඒ අනුව ලබා ගැනීමේ හැකියව පවතිනවා.
එම අත්තිකාරම් මුදල පොළී රහිතව මාසික කොටස් 08කින් හෝ අවශ්ය වුවහොත් ඊට කලින් හෝ අයකර ගැනීම සඳහා විධිවිධාන සලසා දී තිබෙනවා.
මීට පෙර එම උත්සව අතිකාරම් මුදල ලෙස ලබාදෙනු ලැබුවේ රුපියල් 10,000ක මුදලක්.
