ශ්‍රී ලංකා නිදහස් පක්ෂයේ ජ්‍යෙෂ්ඨ උප සභාපති මහින්ද අමරවීර මහතා යුටියුබ් නාලිකාවක් සමග විශේෂ සාකච්ඡාවකට එක්වෙමින් කියා සිටියේ තවත් මස තුනක් ගත වූ විට මෙරට වැසියන් රැසක් මිය යනු ඇති බවයි.
මෙම මුහුණ පා ඇති තත්වය පිළිබද කොතෙකුත් පැවසුවද එයට ඇහුම්කන් නොදුන් බවත් තම පක්ෂයට අපහාස කරමින් පොදුජන පෙරමුණ ඒ පිරිස හැසිරුණු බවත් හෙතෙම වැඩිදුරටත් පැවසිය. ඉදිරියේදී ආහාර සහ අත්‍යවශ්‍ය ඖෂධ හිඟකමින් විශාල පිරිසක් මිය යනු ඇති බව පෙන්වාදුන් ඒ මහතා මේ සඳහා ඇති එකම විසඳුම සර්ව පාක්ෂික පාලන ක්‍රමවේදයක් නිර්මාණය කිරීම බව පැවසීය
රාජපක්ෂ පාලනය දූෂිත ගනුදෙනු සිදු කළ අවස්ථා රැසක් ඇති බවද එම අවස්ථාවන් වලදී ඊට එරෙහිව හඬ නැගුවා නම් ඇතැම් විට අද තමන් ජීවතුන් අතර නොසිටින්නට ඉඩ තිබූ බවද පැවසීය.
